బ్యాటును ఝుళిపించడంలో సత్తా ఉన్న క్రికెటర్ గా పేరున్న ఇంగ్లాండ్ స్టార్ బ్యాట్స్ మన్, టెస్టు జట్టు కెప్టెన్ అలిస్టర్ కుక్… సచిన్ పేరిట ఉన్న ఓ రికార్డును బద్దలు కొట్టాడు. పిన్న వయసులో టెస్టుల్లో 10 వేల పరుగులు పూర్తి చేసుకున్న క్రికెటర్ గా సచిన్ పేరిట ఉన్న రికార్డును కుక్ చెరిపేసి తన పేరిట లిఖించుకున్నాడు. దుర్హామ్ లో శ్రీలంకతో జరుగుతున్న రెండో టెస్టు నాలుగో రోజు ఆటలో 47 పరుగులు చేసిన కుక్… 31 ఏళ్ల 158 రోజుల వయసులో పది వేల పరుగుల మార్కును చేరుకున్నాడు.
2005లో 31 ఏళ్ల 326 రోజుల వయసులో ఉండగా కోల్ కతాలోని ప్రఖ్యాత ఈడెన్ గార్డెన్స్ స్టేడియంలో జరిగిన మ్యాచ్ లో సచిన్ ఈ మార్కును చేరుకున్నాడు. తాజాగా అతడి కంటే చిన్న వయసులోనే కుక్ ఈ మైలురాయిని చేరుకున్నాడు. 158 టెస్టుల్లోనే కుక్ ఈ మార్కును చేరుకున్నాడు. ఇక టెస్టుల్లో పది వేల పరుగులు చేసిన బ్యాట్స్ మెన్లలో కుక్ 12వ ఆటగాడిగా చరిత్ర పుటల్లోకి ఎక్కాడు. మరి ఈ రికార్డును బద్దలు కొట్టడం భారత క్రికెటర్ విరాట్ కోహ్లి వల్లే అవుతుందని భారత క్రీడాభిమానులు భావిస్తున్నారు.
మొన్న జరిగిన మున్సిపల్ ఎన్నికల్లో రాష్ట్రంలో మిగిలిన జిల్లాల్లో ప్రశాంతంగా పోలింగ్ జరిగిందని కానీ వైసీపీ అధినేత జగన్మోహన్ రెడ్డి…
The IT and software sector has been one of the biggest contributors to revenue generation…
