ఆలు లేదు సూలు లేదు అన్నట్టు ఉంది అల్లు అర్జున్ వ్యవహారం

స్టయిలిష్ స్టార్ అల్లు అర్జున్ నా పేరు సూర్య ప్లాప్ తరువాత బాగా గ్యాప్ తీసుకొని తన తదుపరి చిత్రం త్రివిక్రమ్ దర్శకత్వంలో మొదలు పెట్టాడు. ఈ సినిమా వచ్చే ఏడాది సంక్రాంతికి విడుదల అవుతుంది ఈ సినిమా కాకుండా అల్లు అర్జు సుకుమార్ తోనూ. వేణు శ్రీరామ్ తో ఐకాన్ అనే సినిమాలకు కమిట్ అయ్యాడు. ఇప్పటిదాకా ఆ రెండు సినిమాలలో ఏది ముందు చేస్తాడు అనే దానిలో క్లారిటీ లేదు. త్రివిక్రమ్ సినిమా పూర్తి అయ్యాకనే దీని మీద క్లారిటీ రావొచ్చు.

అయితే సుకుమార్ సినిమా గురించి పెద్దగా వార్తలు రాకపోయినా ఐకాన్ గురించి మాత్రం వారానికి ఒక వార్త బయటకు వస్తుంది. స్టోరీ ఇదని ఆ సినిమాకు రీమేక్ అని, ఆ హీరోయిన్ మెయిన్ హీరోయిన్ అని, ఈ హీరోయిన్ రెండో హీరోయిన్ అంటూ ఏవేవో వార్తలు వచ్చేస్తున్నాయి. నిజానికి హీరోయిన్లు ఎవరు అనేది సినిమా ఎప్పుడు మొదలు అవుతుందనే అనే దాని బట్టి ఉంటుంది. ఎప్పుడో మొదలయ్యే సినిమాకు కాస్టింగ్ గురించి ఇప్పుడే మాట్లాడలేం. సుకుమార్ సినిమా ముందు సెట్స్ మీదకు వెళ్తే మొత్తం మారిపోతుంది.

అయితే కొన్ని మీడియా సంస్థలు ఈలోగా ఏవేవో రాసేస్తున్నాయి. నిర్మాతలు కూడా ఎన్ని వార్తలు వచ్చినా పబ్లిసిటీనే కదా అని పట్టించుకోవడం లేదు. దీనితో మరిన్ని పుకార్లు వచ్చే అవకాశం కలిపిస్తున్నారు. ఇది ఇలా ఉండగా నా పేరు సూర్య తో బాక్స్ ఆఫీసు వద్ద బోల్తా పడటంతో అల్లు అర్జున్ చాలా కసి మీద ఉన్నాడు. ఈ సారి ఎలాగైనా పెద్ద హిట్ కొట్టి తిరిగి ఫామ్ లోకి రావాలని పట్టుదలగా ఉన్నాడు. చూడాలి వచ్చే సంక్రాంతికి బన్నీ ఏం చెయ్యబోతున్నాడో.