ఎన్డీయే నుండి ఆహ్వానం వచ్చిందని వైకాపా బుస్సు కబుర్లు చెబుతుందా?

గత కొన్ని రోజులుగా వైఎస్సార్ కాంగ్రెస్ కేంద్ర మంత్రి వర్గంలో చేరుతుందని పెద్ద ఎత్తున ప్రచారం జరుగుతుంది. ఆ పార్టీకి ఒక కాబినెట్ పదవి రెండు సహాయ మంత్రి పదవులు ఆఫర్ చేసిందని వార్తలు వచ్చాయి. అయితే అందులో నిజం లేదని వైఎస్సార్ కాంగ్రెస్ నుండి ఎన్నికై బీజేపీతో సన్నిహితంగా మెలుగుతున్న ఎంపీ రఘురామకృష్ణం రాజు అంటున్నారు.

నేను బీజేపీలో చేరుతున్నా అని కొందరు పేలుతున్నారు. ఎవరు ఎవరి సంక నాకుతున్నారో నిన్న మొన్న మీడియాలో చూశాం. తాము మంత్రులం అయిపోయామని… వైసీపీ నేతలు బుస్సు కబుర్లు చెప్పుకుంటున్నారు. నవంబర్‌లో జరిగే కేంద్రమంత్రివర్గ విస్తరణ వరకు ఇలాగే ప్రచారం చేసుకుంటారు. అన్నీ అబద్ధాలే అని నవంబర్‌లో తేలుతుంది,” అని ఆయన అన్నారు.

“ఎవరితోనూ జట్టుకట్టే ఉద్దేశం లేదని బీజేపీ ఇప్పటికే చెప్పింది. కానీ వైసీపీ సొంత ప్రచారం చేసుకుంటోంది. వీళ్లను కేబినెట్‌లోకి రావాలని బతిమాలుతున్నట్టు… ప్రత్యేక హోదా కోసం పట్టుబడుతున్నట్లు కట్టుకథలు అల్లుతున్నారు. హోదా కావాలంటే కేబినెట్‌ నుంచి బయటకు రావాలని… అప్పట్లో టీడీపీని డిమాండ్‌ చేశారు కదా? హోదాపై చిత్తశుద్ధి ఉంటే వైసీపీ ఎంపీలంతా రాజీనామా చేయాలి. నేను కూడా వైసీపీకి సహకరించేందుకు సిద్ధం’’ అన్నారు.

దేవాలయాలు నిర్మించే బీజేపీ… ఆలయాలు కూలగొట్టే వైఎస్సార్ కాంగ్రెస్ తో కలుస్తుందా అని ఆయన ఎద్దేవా చేశారు. ఒకవేళ నిజంగా ఆ రెండు పార్టీలు కలిస్తే రఘురామ కృష్ణం రాజు పరిస్థితి ఏంటి? అటు వైఎస్సార్ కాంగ్రెస్ కు కాకుండా ఇటు బీజేపీకి కాకుండా టీడీపీ వైపు చూస్తారా?