రవితేజకు ‘కిక్,’ అల్లు అర్జున్ కు ‘రేసుగుర్రం’ వంటి మెమరబుల్ హిట్స్ అందించి, ప్రస్తుతం చెర్రీతో ‘ధృవ’ సినిమాను తెరకెక్కిస్తున్న సురేందర్ రెడ్డి దర్శకత్వంలో, తన సొంత బ్యానర్ లో తదుపరి చిత్రం కోసం సన్నాహాలు చేస్తున్నాడట. అలాగే ‘బెంగాల్ టైగర్’ నిర్మాత రాధామోహన్ బ్యానర్ లో మరో సినిమాకు కూడా కమిట్ అయ్యాడట. అయితే ముందుగా సురేందర్ రెడ్డి సినిమానే పట్టాలెక్కించాలని భావిస్తున్నట్లుగా సినీ వర్గాల సమాచారం.
సురేందర్ రెడ్డి సినిమాతో ముందుకెళ్ళడంలో తప్పులేదు గానీ, ‘అ…ఆ…’ ఇచ్చిన విజయాన్ని ఊహించుకుంటూ భారీ వ్యయంతో నిర్మిస్తే మాత్రం చేతులు కాల్చుకోక తప్పదన్న విషయాన్ని చాలా సందర్భాలలో తెలుగు సినిమాలు నిరూపించాయి. ‘అ…ఆ…’ విజయం సాధించింది అంటే అందులో చాలా అంశాలు ఉంటాయి. దర్శకుడి పేరు దగ్గర నుండి సినిమా విడుదలైన సీజన్ వరకు అనేక విషయాలు ‘అ…ఆ…’ విజయంలో కీలక పాత్ర పోషించాయి.
నిజానికి తెలుగు చిత్ర పరిశ్రమ ఇంత అధోగతిలో ఉండడానికి కారణం కూడా ఇదే. ఒక సినిమా విజయాన్ని పోల్చుకుని అమాంతం తదుపరి సినిమాల బడ్జెట్ లు పెంచేసుకోవడం, సదరు హీరో మార్కెట్ కు మించి పెట్టుబడులు పెట్టడం వలనే సినీ పరిశ్రమలో ‘సక్సెస్’ అనేది ‘చుట్టం చూపు’లా మారిందని సినీ విశ్లేషకులు అభిప్రాయ పడుతున్నారు. నితిన్ కూడా అలాగే కొనసాగితే చేతులు కాల్చుకోవడం తప్పదన్న హెచ్చరికలు సినీ విజ్ఞుల నుండి వ్యక్తమవుతున్నాయి.
Kazakhstan is serving as the backdrop for the latest schedule of January 12 Vidudala. Victory…
వైసీపీ అధినేత జగన్మోహన్ రెడ్డి నేడు తాడేపల్లి ప్యాలస్‌లో మీడియా సమావేశంలో మాట్లాడుతూ, “ఇవి ఎలక్షన్లో, సెలక్షన్లో తెలియడం లేదు.…
