కానీ, బెజవాడ వేదికగా జరిగిన “వంగవీటి” ప్రస్థానంలో ‘రివెంజ్’తో పాటు రెండు సామాజిక వర్గాల మధ్య పోరు కూడా ఉంది. దీంతో ఆరిపోయిన ‘కార్చిచ్చు’ను వర్మ మళ్ళీ రేపుతారా? అన్న రీతిలో చర్చలు జరుగుతున్నాయి. వంగవీటి కుటుంబానికి దేవినేని వంశీయులకు ఉన్న అనుబంధం విడదీయలేనివి. ఏ ఒక్కరిని కదిపినా మరొకరు ఆటోమేటిక్ గా కధలోకి ఎంటరైపోతారు.
వంగవీటి రాధ ఎవరిని చంపారు? ఆ తర్వాత రాధను ఎవరు చంపారు? ఇక, రంగా ప్రవేశించిన తర్వాత ఎటువంటి రివేంజ్ తీర్చుకున్నారు. ఇక్కడివరకు క్రియాశీల రాజకీయాలకు దూరంగా కధ నడించింది. కానీ, రంగా హత్యోదంతం మాత్రం పూర్తి రాజకీయ రంగు పులుముకుంది. అప్పుడు ముఖ్యమంత్రిగా ఉన్న స్వర్గీయ ఎన్టీఆర్ ఆ సమయంలో ఏం చేసారు? అలాగే ఇటీవల హరిరామజోగయ్య ఏపీ సిఎం చంద్రబాబుపై చేసిన ఆరోపణలకు ఈ సినిమా ఏమైనా జవాబిస్తుందా? కాంగ్రెస్ లో ఓ శక్తిగా ఎదుగుతున్న రంగాను చూసి వైయస్ రాజశేఖర్ రెడ్డి ఎలా స్పందించారు?
ఇలా వంగవీటి మోహన రంగా హత్యోదంతం ప్రస్తుత రాజకీయాలను కూడా శాసించే విధంగా ఉండడంతో వర్మ ఈ పాత్రలన్నింటినీ ఎలా చూపిస్తారు? అనే ఆసక్తి సర్వత్రా నెలకొని ఉంది. ఈ సినిమాలో అన్ని నిజాలే చెప్తానన్న వర్మ, జరిగిన కధను వక్రీకరించకుండా తీసే దమ్ముందా? అయితే వర్మ మనసుపెట్టి సినిమా తీస్తే, అది “రక్తచరిత్ర” పార్ట్ 1 మాదిరి ఉంటుంది కాబట్టి, ఈ “వంగవీటి” సినిమాను కూడా వర్మ ఎంతో మనసుపెట్టి తీయాలని విజయవాడ వాసులు కోరుతున్నారు.
For a film marking the collaboration of Venkatesh and Trivikram Srinivas, Adarsha Kutumbam is perhaps…
Vishwaksen's CULT is preparing for a theatrical release, with a territory-wise distribution lineup featuring several…
