ఈ పర్యటన ఆసాంతం కోహ్లీ నిరాశపరిచాడు. 45, 11, 38, 11(టీ20లు) 51, 15, 9(వన్డేలు) 2,9..3, 14(టెస్టులు) ఈ పర్యటన మొత్తంలో కోహ్లీ చేసిన పరుగులివి. ప్రస్తుతం జరుగుతున్న రెండో టెస్టు రెండో ఇన్నింగ్స్‌లోనూ అతడు (14; 30 బంతుల్లో 3×4) మరోసారి నిరాశపర్చాడు. కివీస్‌ పర్యటన మొత్తంలో తొలివన్డేలో అర్ధ శతకం మినహా మిగతా ఏ మ్యాచ్‌ల్లోనూ ఆకట్టుకోలేకపోయాడు.
హామిల్టన్‌ వేదికగా జరిగిన వన్డేలో 51 పరుగులు చేసిన భారత సారథి తర్వాత ఏ మ్యాచ్‌లోనూ కనీసం 20 పరుగులు చేయలేకపోయాడు. కోహ్లీ కెరీర్‌లో ఫామ్ కోల్పోవడం ఇది మూడో సారి. 2011లో తొలిసారి ఫిబ్రవరి నుంచి సెప్టెంబర్‌ వరకు ఫామ్ కోల్పోయి సతమతమయ్యాడు. ఆ తర్వాత 2014 ఫిబ్రవరి నుంచి అక్టోబర్‌ వరకు ఇబ్బంది పడ్డాడు.
ఈ సందర్భంగా ఇంగ్లాండ్‌ పర్యటనలో పూర్తిగా విఫలమై తీవ్ర విమర్శలు ఎదుర్కొన్నాడు. తర్వాత 2018 ఇంగ్లాండ్‌ పర్యటనలో చెలరేగి తన ఆధిపత్యాన్ని ప్రదర్శించాడు. మరోవైపు టీం ఇండియా మరో కీలక ప్లేయర్ జస్ప్రీత్ బుమ్రా కూడా సరైన ఫామ్ కనబరచకపోవడంతో టీంకు వరుస ఓటములు తప్పడం లేదు.
Gautam Gambhir and the Indian team management faced questions after their decision to send Tilak…
Prabhas might be one of the biggest superstars in Indian cinema, but there have been…
