అల్లు అర్జున్ అందుకున్న ‘అదో రకం’ హ్యట్రిక్!

వరుసగా మూడు సంవత్సరాలు సమ్మర్ లో మూడు సినిమాలు విడుదల చేసి… ఒక రకమైన ‘హ్యాట్రిక్’ రికార్డును అల్లు అర్జున్ సొంతం చేసుకున్నారు. ఇందులో మొదటి సినిమా ‘రేసుగుర్రం’ బ్లాక్ బస్టర్ హిట్ అందుకోగా, తదుపరి సినిమా ‘సన్నాఫ్ సత్యమూర్తి’ యావరేజ్ గా నిలువగా, ‘సరైనోడు’ సినిమా ఫలితం పూర్తిగా రావడానికి సమయం పట్టినా, గత రెండు సినిమాల కంటే గ్రాఫ్ డౌన్ లోనే ఉందని ట్రేడ్ వర్గాలు చెప్తున్నాయి.

ఇదొక హ్యాట్రిక్ అందుకున్న అల్లు అర్జున్ మరో హ్యాట్రిక్ ను సొంతం చేసుకున్నారు. సొంత బ్యానర్ గీత ఆర్ట్స్ బ్యానర్లో బన్నీ నటించిన మూడు సినిమాలు ఆశించిన ఫలితాలను అందుకోలేక బాక్సాఫీస్ వద్ద చతికిలపడ్డాయి. తొలి చిత్రం ‘హ్యాపీ’ అన్ హ్యాపీని మిగల్చగా, ‘మగధీర’తో పోటీపడిన ‘బధ్రినాద్’ సినిమా ఎలాంటి ఫలితాన్ని చవిచూసిందో అందరికీ తెలిసిందే. అలాగే లేటెస్ట్ గా విడుదలైన “సరైనోడు” కూడా తొలిరోజు ప్రేక్షకుల నుండి విభిన్న స్పందనలు తెచ్చుకుంది.

ఇలా రెండు రకాలుగా అల్లు అర్జున్ ‘హ్యాట్రిక్’లు సొంతం చేసుకున్నా… అవేమీ మెగాభిమానులను సంతోష పెట్టలేకపోయాయి. ఈ ఏడాది సమ్మర్లో విడుదలైన ‘సర్ధార్ గబ్బర్ సింగ్’ సినిమాతో తీవ్ర నిరాశలో ఉన్న మెగా ఫ్యాన్స్ కు ఆశించిన ఉత్సాహాన్ని అయితే ‘సరైనోడు’ ఇవ్వలేకపోయిందని… ఓపెనింగ్స్ చెబుతున్నాయి. అల్లు అర్జున్ గత సినిమా ‘సన్నాఫ్ సత్యమూర్తి’తో పోల్చుకుంటే… ‘సరైనోడు’ సినిమా ఓపెనింగ్స్ తక్కువగా ఉన్నాయని ట్రేడ్ వర్గాలు చెప్తున్నాయి.