వైరల్ : జగన్ కు పదవీ గండం?

జ్యోతిష్యం, జాతకాలు, వాస్తు… ఈ మూడింటిని విశ్వసించడంలో రాజకీయ నేతలు, సినీ వర్గాలు ముందు వరుసలో ఉంటారు. ఏ చిన్న పనికైనా మంచి తేదీ, సమయం అంటూ ముహుర్తాలు చూసుకుని మరీ ప్రారంభిస్తుంటారు. అంతలా ప్రాధాన్యత దక్కించుకున్న వీటికి సంబంధించిన ఓ రెండు ఫోటోలు సోషల్ మీడియాలో ప్రస్తుతం తెగ హంగామా చేస్తున్నాయి.

2015లో ఏపీ రాజధాని శంఖుస్థాపన, దాని ఫలితాలుగా ఒక పేజీలో భవిష్యత్తులో జరగబోయేది లిఖించగా, 2020లో చేసిన 3 రాజధానుల ప్రకటన, వాటి ఫలితాలను మరొక పేజీలో రాసి ఉంచారు. విశేషం ఏమిటంటే… ఈ రెండు పేజీలలో ఉన్న అంశాలు గత ఆరేళ్లుగా జరిగి ఉండడం.

అంతిమగా అమరావతి రాజధాని అనేది నిర్వివాదం, నిస్సందేహంగా జరుగుతుందని తెలిపిన ఈ రెండో పేజీలో ముఖ్యమంత్రి జగన్ కు పదవీ భంగ సూచనలు ఉండడం వైరల్ కు కారణమయ్యాయి. ‘జగన్ ఆనందం త్వరలో అదృశ్యమగును’ అంటూ పేర్కొన్న ఈ భవిష్యవాణి వినిపించిన వారి వివరాలు కూడా ఈ పిక్స్ లో స్పష్టంగా కనపడుతున్నాయి