‘జబర్దస్త్’ టీంకు షాక్! కోర్టు నోటీసులు!

బుల్లితెరపై వినోదాల విందు పంచుతూ సందడి చేసే ‘జబర్దస్త్’ షోపై విమర్శలు ఎన్ని వచ్చినా, దిగ్విజయంగా ఎపిసోడ్ లు కొనసాగుతున్నాయి. అలాగే ఎందరో కమెడియన్లను తెలుగు సినీ పరిశ్రమకు అందిస్తూ టాలీవుడ్ లో హల్చల్ చేస్తోంది. అయితే తాజాగా ఈ షో టీంపై కరీంనగర్ జిల్లా హుజూరాబాద్ కోర్టు నోటీసులు జారీ చేసింది.

‘జబర్దస్త్’లో ప్రసారమైన ఒక ఎపిసోడ్ న్యాయవ్యవస్థను కించపరిచే విధంగా ఉందంటూ న్యాయవాది అరుణ్ కుమార్ ఈ మేరకు ఒక పిటిషన్ దాఖలు చేశారు. విచారణకు స్వీకరించిన కోర్టు ‘జబర్దస్త్’ టీంకు నోటీసులు జారీ చేసింది. కాగా, ఈ కామెడీ షో పై గతంలో గౌడ విద్యార్థి సంఘం ఫిర్యాదు చేసిన విషయం తెలిసిందే. కల్లుగీత కార్మికుల మనోభావాలు దెబ్బతినేలా ఉందంటూ నాడు గౌడ విద్యార్థి సంఘం నేతలు ఆరోపించారు.