ట్రైలర్ టాక్ – “గన్స్ + గర్ల్స్” కాంభినేషన్!

బాలీవుడ్ హాట్ బ్యూటీ దీపికా పదుకునే నటించిన తొలి హాలీవుడ్ సినిమాగా ఇండియాలో ఇప్పటికే భారీ ప్రచారాన్ని ఆర్జించిన “ట్రిపుల్ ఎక్స్ – రిటర్న్ ఆఫ్ జండర్ కేజ్” సినిమా టీజర్ ఇటీవల విడుదలై, దీపికా హాట్ నెస్ ను మరింతగా పెంచింది. తాజాగా విడుదలైన ట్రైలర్, ఈ సినిమాపై భారీ అంచనాలు ఏర్పడేలా చేసింది.

‘ట్రిపుల్ ఎక్స్’ సినిమాలకు ఇండియాలో కూడా భారీ క్రేజ్ ఉంది. అయితే దీపికా ఎంట్రీతో ఆ క్రేజ్ మరింతగా రెట్టింపు అయ్యింది. తాజాగా విడుదలైన ట్రైలర్ యాక్షన్ ప్రియులను అమితంగా ఆకట్టుకునే విధంగా ఉండడంతో, అది కాస్త తారాస్థాయికి చేరుకుంది. “గన్స్ + గర్ల్స్” కాంభినేషన్ గా సిద్ధమైన ఈ “ట్రిపుల్ ఎక్స్ – రిటర్న్ ఆఫ్ జండర్ కేజ్” సినిమాను 2017 జనవరి 20వ తేదీన ప్రేక్షకుల ముందుకు తీసుకురాబోతున్నారు.