పిక్ టాక్ : ‘దేవిశ్రీప్రసాద్’ హార్రర్ లుక్!

“దేవిశ్రీప్రసాద్” పేరు వినగానే టాలీవుడ్ యువ సంగీత సంచలనం గుర్తుకు రావడం సహజమే. బహుశా అందుకే ఈ పేరును ఓ సినిమా టైటిల్ కు పెట్టేస్తున్నారేమో గానీ, తాజాగా ‘దేవిశ్రీప్రసాద్’ అనే టైటిల్ తో ఒక సినిమా రూపుదిద్దుకుంటోంది. ఈ సినిమాకు సంబంధించిన ఫస్ట్ లుక్ పోస్టర్ ను విడుదల చేసింది చిత్ర యూనిట్.

గతంలో ‘సశేషం, భూ’ వంటి విలక్షణ చిత్రాలతో దర్శకుడిగా మంచి పేరు తెచ్చుకున్న శ్రీ కిషోర్ దర్శకత్వం వహిస్తున్న ఈ సినిమా ఫస్ట్ పోస్టర్ ఆకట్టుకునే విధంగా దర్శనమిస్తోంది. దేవిశ్రీప్రసాద్ టైటిల్ డిజైన్ తో పాటు రెండు కాళ్ళు కనపడుతున్న పోస్టర్ వీక్షకులను ఆకట్టుకుంటోంది. హ్యాట్రిక్ హార్రర్ సినిమాగా త్వరలో ప్రేక్షకుల ముందుకు రాబోతున్న ఈ సినిమాలో ఇద్దరు ప్రముఖ హీరోలు, మరో ప్రముఖ హీరోయిన్ కూడా నటిస్తున్నారట.

అయితే తారాగణం విశేషాలను బయటపెట్టకుండా మరింత ఆసక్తిని పుట్టించే ప్రయత్నం చేస్తోంది చిత్ర యూనిట్. ఇప్పటివరకు ఎవరూ టచ్ చేయని కధాంశంతో ఈ సినిమాను తెరకేక్కిస్తున్నట్లుగా చిత్ర యూనిట్ చెప్పుకొచ్చింది. ఈ సస్పెన్స్ థ్రిల్లర్ సినిమాతో అయినా బాక్సాఫీస్ వద్ద తన మార్క్ ను కిషోర్ చాటిచెప్తారో లేదో చూడాలి.