ఇట్స్ టైం ఫర్ ప్రొడ్యూసర్స్ కాంపౌండ్!

సినీ ఇండస్ట్రీలో వారసత్వం ఏ స్థాయిలో ప్రభావితం చూపుతుందో ప్రత్యేకంగా చెప్పనవసరం లేదు. హీరోల తనయులు హీరోలుగా ఎంట్రీ ఇస్తున్న నేపధ్యంలో… కొంతకాలం క్రితం దర్శకుల కుమారులు కూడా హీరోలుగా ప్రవేశించారు. అయితే ఆ తర్వాత విఫలం కావడంతో కనుమరుగయ్యారు. కానీ బెల్లంకొండ సురేష్ తనయుడు శ్రీనివాస్ రంగప్రవేశంతో నిర్మాతల వారసులు కూడా హీరోలుగా మారుతున్నారు.

తాజాగా డివివి దానయ్య కుమారుడు కళ్యాణ్ కూడా హీరోగా తెలుగు తెరకు పరిచయం కావడానికి రంగం సిద్ధమవుతోందని తెలుస్తోంది. బెల్లంకొండ సురేష్ తనయుడు శ్రీనివాస్ ను పరిచయం చేసిన టాప్ డైరెక్టర్ వివి వినాయక్ చేతికే దానయ్య కుమారుడు ప్రాజెక్ట్ కూడా వెళ్ళబోతోందని టాక్. ఇందు నిమిత్తం ఇప్పటికే ఓ దఫా వినాయక్ తో చర్చలు జరిపినట్లుగా తెలుస్తోంది.

మరో వైపు కళ్యాణ్ కూడా నటన, పాటలు, ఫైట్లల్లో శిక్షణ తీసుకుంటున్నాడట. ప్రొడ్యూసర్ తనయుడిగా విక్టరీ వెంకటేష్ ఒక్కడే టాప్ స్థాయికి చేరుకోగా, ఆ తర్వాత ఎంట్రీ ఇచ్చిన వారిలో హీరో నితిన్ ఒక్కడే కొంత స్థాయి వరకు చేరుకున్నాడు. అల్లు అర్జున్, రానా వంటి స్టార్ హీరోలు కూడా ప్రొడ్యూసర్ తనయులే అయినా, వారి బేస్ మెంట్ వేరన్న విషయం ప్రత్యేకంగా చెప్పనవసరం లేదు.