10న ఈసీ సమీక్ష… ఆ తరువాతే ఎన్నికల షెడ్యూల్

తెలంగాణాలో ముందస్తు ఎన్నికల నిర్వహణకు సన్నద్ధతపై సమీక్షించేందుకు కేంద్ర ఎన్నికల సంఘం బృందం ఒకటి ఈ నెల 10న హైదరాబాద్‌ రానున్నట్లు, రెండు రోజులపాటు సమీక్షలు నిర్వహించనున్నట్లు తెలిసింది. ఆ తర్వాతే ఎన్నికల నిర్వహణ తేదీలపై తుది నిర్ణయాన్ని వెలువరించే అవకాశం ఉందని అధికారులు చెబుతున్నారు.

[m9ad]

ఓటర్ల నమోదు, మార్పుచేర్పులకోసం 32.9 లక్షల దరఖాస్తులు అందాయి. వాటిలో నిన్న ఉదయం వరకు 1.76 లక్షల దరఖాస్తులను అధికారులు తిరస్కరించారు. మరో మూడున్నర లక్షల దరఖాస్తులు పెండింగులో ఉన్నాయి. ఈరోజు చివరికి ఈ ప్రక్రియ పూర్తి చెయ్యాలని టార్గెట్ పెట్టుకున్నట్టు సమాచారం.

తుది ఓటర్ల జాబితాను ఈ నెల 8న వెలువరించి ఆ అంకాన్ని పూర్తి చెయ్యబోతున్నారు. కోర్టులో ఉన్న పెండింగ్ కేసుల వల్ల ఇబ్బంది కలిగితే తప్ప నవంబర్ లో ఎన్నికలు జరగడం ఖాయమని రాష్ట్ర ఎన్నికల సంఘంలోని కొందరు అంటున్నారు. ఎన్నికల షెడ్యూల్ కోసం అధికార పార్టీ నేతలు ఆసక్తిగా ఎదురు చూస్తున్నారు.