రెండు వరుస విజయాల తర్వాత, సిరీస్ నిలుపుకోవాలంటే ఖచ్చితంగా గెలవాల్సిన మ్యాచ్ లో ఆస్ట్రేలియా మళ్ళీ ఓటమి పాలయ్యింది. దీంతో మరో రెండు వన్డేలు మిగిలి ఉండగానే సిరీస్ ను 3-0తో ఇంగ్లాండ్ కైవసం చేసుకుంది. అంతేకాదు, మిగిలిన రెండు మ్యాచ్ లలో కూడా ఆసీస్ ను భంగపాటుకు గురిచేసి ‘వైట్ వాష్’ చేసేందుకు గ్రౌండ్ వర్క్ చేసుకుంది. అయితే మళ్ళీ ఆసీస్ పుంజుకుంటుందో లేదో గానీ, సొంతగడ్డపై వన్డే సిరీస్ ను ఘోరంగా ఓడిపోవడం మాత్రం కంగారులకు జీర్ణించుకోలేని అంశంగా మారింది.
మరో విశేషం ఏమిటంటే… ఈ మూడు వన్డేలలోనూ ఆస్ట్రేలియా ఓపెనర్ ఆరోన్ ఫించ్ బ్యాటింగ్ విభాగంలో టాప్ స్కోరర్ గా నిలవడం. మూడవ వన్డేలో 303 పరుగుల లక్ష్యంతో బరిలోకి దిగిన ఆస్ట్రేలియా 286 పరుగులు మాత్రమే చేయగలిగింది. బ్యాటింగ్ విభాగంలో అందరూ రాణించినా, ఆసీస్ బ్యాట్స్ మెన్లను కట్టడి చేయడంలో ఇంగ్లాండ్ బౌలర్లు సఫలీకృతం అయ్యారు. అంతకుముందు బట్లర్ అజేయమైన సెంచరీతో ఇంగ్లాండ్ 302 పరుగుల భారీ స్కోర్ ను నమోదు చేసింది. బ్యాటింగ్ మరియు బౌలింగ్ విభాగాలలో చివరి 10 ఓవర్లే మ్యాచ్ ను ఇంగ్లాండ్ వైపుకు తిప్పాయి.
There was a time when parents worried about their children's marks, friendships and future. Today,…
Telugu cinema witnessed two new theatre films this weekend in the form of Aadarsha Kutumbam(AK-47)…
