మహేష్ బాబు మీద బురద జల్లుడు… ఎవరి పని ఇది?

నిన్న కాక మొన్న అల్లు అర్జున్ త్రివిక్రమ్ సినిమా సెట్ లో ఒక అసిస్టెంట్ డైరెక్టర్ మీద ఫైర్ అయ్యాడని, అది చాలా పెద్ద గొడవ అయ్యిందని, అల్లు అరవింద్ రంగంలోకి దిగాల్సి వచ్చిందని ఒక పుకారు షికారు చేసింది. ఇందులో నిజమెంతో తెలీదు గానీ ఆ వార్త దవాలనంలా వ్యాపించింది. ఇది ఇలా ఉండగా తాజాగా మహేష్ బాబు మీద కూడా ఇంకో పుకారు షికారు చేస్తుంది. ఇటీవలే మహేష్ బాబు సరిలేరు నీకెవ్వరు సినిమా షూటింగ్ కాశ్మీర్ లో జరిగిన సంగతి తెలిసిందే.

ఆ షూటింగ్ సందర్భంగా ఒక స్పాట్ బాయ్ మహేష్ బాబు మినరల్ వాటర్ కాకుండా ట్యాప్ వాటర్ ఇచ్చాడట. దానితో మహేష్ బాబు ఫైర్ అయ్యాడని వార్తలు గుప్పుమన్నాయి. అయితే ఈ వార్త చాలా సిల్లీ గా అనిపిస్తుంది. ఒక స్టార్ హీరో సెట్ లో ఉన్నదంటే చిత్రబృందమంతా చాలా కేర్ తీసుకుంటుంది. ఇటువంటివి జరిగే ఆస్కారమే లేదు. అలాగే మహేష్ బాబు లాంటి పెద్ద హీరోలకు తమ పనులు అన్నీ చూసుకునే సొంత స్పాట్ బాయ్స్ ఉంటారు. వారి పని హీరో గారికి కావాల్సినవన్నీ టైమ్ కి అందివ్వడమే.

ఇటువంటి తప్పులు జరిగే ఆస్కారమే ఉండదు. మరి పనిగట్టుకుని ఈ నెగటివ్ ప్రచారం చేస్తున్నది ఎవరు? ఇంకో విషయం ఏమిటంటే అల్లు అర్జున్ మీద వచ్చిన వార్త, ఇప్పుడు ఈ వార్త మొదటి సారిగా ఒకే పత్రిక నుండి రావడం. ఇది ఇలా ఉండగా సరిలేరు నీకెవ్వరు షూటింగ్ రెండవ షెడ్యూల్ తొందరలో హైదరాబాద్ లో మొదలు కాబోతుంది. హైదరాబాద్ లోని వివిధ ప్రాంతాలలో మూడు సెట్లు సిద్ధం చేస్తున్నారు. ఈ సినిమాను సంక్రాంతికి విడుదల చెయ్యడానికి ప్లాన్ చేస్తున్నారు.