తెలంగాణలో 18 వేల మంది పోలీసులను ఒకేసారి నియమిస్తున్న నేపథ్యంలో వారందరికీ ఏకకాలంలో శిక్షణ ఇచ్చేందుకు స్థలం చాలనందున 4 వేల మందికి ఆంధ్రప్రదేశ్‌లో శిక్షణ ఇవ్వాలని జగన్‌ను కేసీఆర్ కోరారు. ఇందుకు ముఖ్యమంత్రి జగన్ మోహన్ రెడ్డి సానుకూలంగా స్పందించారు.
పోలీసులకు ఒకేసారి శిక్షణ ఇవ్వడం వల్ల వారందరినీ ఒకేసారి విధుల్లోకి తీసుకునే వెసులుబాటు కలగనుంది. దానితో కేసీఆర్ జగన్ కు థాంక్స్ చెప్పారని సమాచారం. జగన్ అధికారంలోకి వచ్చిన నాటి నుంచి పొరుగు రాష్ట్రాలు మరీ ముఖ్యంగా తెలంగాణతో సఖ్యతతో మెలుగుతున్నారు. ఆ క్రమంలోనే ఈ నిర్ణయం తీసుకున్నారు.
వీలైనంత తక్కువ భూసేకరణ, తక్కువ నష్టంతో గోదావరి జలాలతో కృష్ణా నదిని అనుసంధానం చేయాలని కూడా ఇరు ముఖ్యమంత్రులు నిర్ణయించారు. గోదావరి నీటిని కృష్ణాకు ఎక్కడ నుంచి, ఎలా తరలించాలి, అలైన్‌మెంట్‌ ఎలా ఉండాలి అనే విషయాలపై చర్చించారు. ఇందుకు సంబంధించిన వివిధ ప్రత్యామ్నాయ మార్గాలపై సీఎంలిద్దరూ సుదీర్ఘంగా చర్చలు జరిపారు.
Prabhas turned a casual conversation with Prashanth Neel into a fun moment, and fans got…
Ayushmann Khurrana and Sara Ali Khan’s Udta Teer has arrived in theatres on October 23,…
