ఇటీవల కొడాలి నాని చేసిన వ్యాఖ్యలే ఇందుకు నిదర్శనంగా చెప్తున్నారు. కుప్పంలో చంద్రబాబును, పులివెందులలో జగన్ ను, సిద్ధిపేటలో హరీష్ ను, గుడివాడలో నన్ను ఓడించే మగాడు లేడు, ఈ నాలుగు చోట్ల ఎప్పటికైనా, ఎన్నేళ్ళైనా మేమే గెలుస్తాం… అంటూ చేసిన వ్యాఖ్యలు రాజకీయ వర్గాల్లో ప్రకంపనలు రేపాయి. గుడివాడలో కొడాలి నాని భవిష్యత్తులో గెలుస్తారా? లేదా? అనేది రాబోయే ఎన్నికలలో తేలుతుంది గానీ, చంద్రబాబు, జగన్, హరీష్ రావులతో పోల్చుకోవడమే ఇక్కడ హాట్ టాపిక్ గా మారింది. బహుశా ఈ వ్యాఖ్యలు జగన్ కు కూడా రుచించకపోవచ్చు.
ముఖ్యమంత్రి స్థాయి వ్యక్తులతో తనకు తాను పోల్చుకోవడం అంటే, వైసీపీ తరపున సిఎం హోదాలో కొడాలి నానికి అవకాశం దక్కనుందా? జగన్ జైలుకు వెళితే గానీ లేదా పార్టీలో జగన్ తర్వాత స్థానంలో గానీ ఉండాలని కొడాలి భావిస్తున్నారా? అనే ప్రశ్నలను ఈ వ్యాఖ్యలు రేకెత్తిస్తున్నాయి. చంద్రబాబు ఎలాగూ ముఖ్యమంత్రి కాగా, జగన్ కూడా ‘సిఎం’ అంటూ ఊగిపోతున్న వైనం తెలిసిందే. ఇక కేసీఆర్ తర్వాత పార్టీని చేజిక్కించుకునే వ్యక్తిగా హరీష్ పేరు పొలిటికల్ వర్గాలకు సుపరిచితమే. వాళ్ళతో పోల్చుకోవడం అంటే…. నిజంగా జగన్ తదుపరి స్థానం తనదే అని ప్రజలకు, పార్టీకి చెప్పడానికే ఈ వ్యాఖ్యలు చేసారా?
నిజానికి కొడాలి నాని స్థాయికి ముఖ్యమంత్రి పీఠం అనేది ఊహించలేం. అయితే అసభ్య పదజాలాన్ని వినియోగించడంలో మాత్రం కొడాలి నానిది ముఖ్యమంత్రే కాదు, ప్రధానమంత్రి రేంజ్ అన్న విషయం బహిరంగమే. ఇక పార్టీ పరంగా వైసీపీ రోజు రోజుకు డౌన్ అవుతున్న తీరు గమనిస్తే… గతంలో జగన్ మెజారిటీలో చాలా వ్యత్యాసం వచ్చింది. రాబోయే కాలంలో ఇది మరింత దిగజారే అవకాశాలే కనపడుతున్నాయి తప్ప, పార్టీ పరంగా వైసీపీ బలపడే ఛాయలు అయితే కనిపించడం లేదు.
Pawan Kalyan’s birthday celebrations are getting another update from the team of OG. Director Sujeeth…
Toxic is slowing down at the box office, and Tuesday’s numbers have added to the…
