‘మహర్షి’ టీంను హర్ట్ చేస్తున్నాయి!

ప్రిన్స్ మహేష్ బాబు కెరీర్ లో 25వ సినిమా తెరకెక్కుతోన్న “మహర్షి” సినిమా వచ్చే ఏడాది ఏప్రిల్ 5వ తేదీన విడుదల కాబోతున్న విషయం తెలిసిందే. ప్రస్తుతం యుఎస్ లో ఈ సినిమా షూటింగ్ జరుగుతుండగా, వీటికి సంబంధించిన పిక్స్ సోషల్ మీడియా లో లీక్ అవ్వడం చిత్ర యూనిట్ సభ్యులను నిరాశకు గురిచేస్తోంది.

[m9ad]

‘మహర్షి’ సినిమాలో ప్రిన్స్ గడ్డంతో మేకోవర్ అయిన విషయం తెలిసిందే. ఇదే పోస్టర్ ను ఫస్ట్ లుక్ గా విడుదల చేసారు కూడా! కానీ ఈ సినిమాలో మరో లుక్ కూడా ఉందన్న విషయం తాజాగా యుఎస్ షెడ్యూల్ లో బయటపడింది. ఈ స్టిల్స్ బయటకు రావడంతో, ప్రిన్స్ ‘స్మార్ట్’ లుక్ కాస్త ప్రేక్షకులకు ముందుగానే తెలిసిపోయింది.

దీంతో తాము ఎంతగానో కష్టపడి తీస్తోన్న సినిమా లుక్స్ లీక్ అయినా, వాటికి షేర్ చేసుకోవద్దంటూ చిత్ర యూనిట్ సందేశాలు ఇచ్చినప్పటికీ, సోషల్ మీడియాలో మాత్రం ఈ ఒరవడి ఆగడం లేదు. ‘మహర్షి’ టీం అధికారికంగా ప్రకటించిన తర్వాత కూడా ఈ షూటింగ్ పిక్స్ లీక్ కావడం, సోషల్ మీడియాలో సర్క్యూలేట్ కావడం యూనిట్ ను కలవరపెడుతోంది.