హాలీవుడ్ సినిమాలో టాలీవుడ్ వారసురాలు!

‘లాస్ వెగాస్, ఈఆర్, డెస్పరేట్ హౌస్ వైఫ్’ వంటి పలు హాలీవుడ్ సీరియల్స్ లో నటించిన మంచు మోహన్ బాబు వారసురాలు లక్ష్మీ ప్రసన్న మరొకసారి హాలీవుడ్ వెండితెరపై తళుక్కుమననుంది. ‘బాస్మతి బ్లూస్’ పేరుతో తెరకెక్కనున్న ఈ సినిమాలో నటించిన మంచు లక్ష్మి, ఇప్పటికే దీనికి సంబంధించిన షూటింగ్, డబ్బింగ్ పనులను పూర్తి చేసుకుంది.

ఇండియాలోనే ఎక్కువ శాతం షూటింగ్ నిర్వహించిన ఈ సినిమా కాన్సెప్ట్ ఓ సైంటిస్ట్ చుట్టూ తిరుగుతూ ఉంటుంది. తానూ సృష్టించిన ఓ వరి వంగడాన్ని మార్కెట్ చేసుకోవడానికి ఆ సైంటిస్ట్ ఎలాంటి సమస్యలను ఎదుర్కొన్నాడు అనే అంశం ఈ చిత్ర కధ. ఆస్కార్ విజేతలు బ్రీ లారెన్స్, డోనాల్డ్ సతర్లాండ్ లు ప్రధాన పాత్రల్లో నటిస్తున్న ఈ సినిమాలో మంచు వారి వారసురాలు కూడా భాగస్వామి అయ్యి, తన గత హాలీవుడ్ అనుభవాలను గుర్తు చేసుకుంది.