ఫ్లాష్ ఫ్లాష్… చైతూ – సమంతల “కళ్యాణం” ఫిక్స్!

అవును… అక్కినేని నటవారసుడు నాగచైతన్య, కుందనపు బొమ్మ సమంతల “కళ్యాణం” ఫిక్స్ అయ్యింది. ఈ ‘కళ్యాణం’ను స్వయంగా నాగార్జున దగ్గరుండి చూసుకోబోతున్నారు. అలాగే ‘సోగ్గాడే చిన్నినాయనా’ ఫేం కళ్యాణ్ కృష్ణ దర్శకత్వంలో ఈ ‘కళ్యాణం’ అంగరంగ వైభవంగా జరిగేందుకు సన్నాహాలు జరుగుతున్నాయి. చైతూ కెరీర్ ను గాడిలో పెట్టేందుకు నాగార్జున రంగంలోకి దిగడంతో చైతూ – సమంతల “కళ్యాణం” సాకారమైంది.

ఇటీవల చైతూ – సమంతలపై వచ్చిన పుకార్ల నేపధ్యంలో “కళ్యాణం” టైటిల్ సినీ వర్గాల్లో హాట్ టాపిక్ అయ్యింది. ‘రియల్’ సిట్యూయేషన్ కు అనుగుణంగా ఈ ‘రీల్’ సిట్యూయేషన్ ఉండడంతో ఈ ‘కళ్యాణం’ మరింత ఆసక్తిని రేపుతోంది. తొలి సినిమాతోనే ‘సోగ్గాడే చిన్నినాయనా’ వంటి బ్లాక్ బస్టర్ అందుకున్న కళ్యాణ్ కృష్ణ ద్వితీయ విఘ్నంగా కూడా అక్కినేని హీరోనే ఎంచుకోవడం విశేషం.

అన్నపూర్ణ స్టూడియోస్ పై అక్కినేని ఫ్యామిలీ ఈ సినిమాకు నిర్మాతగా వ్యవహరిస్తోందని సమాచారం. మరి ఈ రీల్ ‘కళ్యాణం’ రియల్ కల్యాణానికి దారి తీస్తుందో లేక శుభంకార్డు వేస్తుందో అన్న విషయం అభిమాన వర్గాల్లో చర్చకు దారి తీసింది. ఏది ఏమైనా ఈ టైటిల్ ఫ్రీ పబ్లిసిటీని ఆర్జించడం మాత్రం ఖాయం!