ఆంధ్రప్రదేశ్ లోని అన్ని మద్యం షాపుల ముందూ మందు బాబులు బారులు తీరారు. కొన్ని చోట్ల కిలోమీటర్ మేర క్యూలు ఉన్నాయంటే అతిశయోక్తి కాదు. ప్రభుత్వం మాస్కులు ధరించాలి, సాంఘిక దూరం పాటించాలని చెప్పినా వినేవాడే లేకుండా పోయాడు. తెలంగాణలో మద్యం షాపులు ఓపెన్ కాకపోవడంతో సరిహద్దు జిల్లాలలోని ప్రజలు ఏపీ షాపుల ముందు బారులు తీరుతున్నారు.
వీటికి సంబంధించిన ఫోటోలు, వీడియోలు చూస్తుంటే…. 40 రోజుల పాటు లాక్ డౌన్ వల్ల ఆపగలిగిన కేసులు ఈ దెబ్బతో విజృంభిస్తాయా అనే భయం కలిగిస్తున్నాయి. ఇది ఇలా ఉండగా.. తిరుపతి నగరంలోని రేణిగుంట మండలం పాపానాయుడుపేట వద్ద మహిళలు ఆందోళనకు దిగారు. ఇళ్ల మధ్యలో ఉన్న బ్రాందీ షాప్‌లను మూసివేయాలని వారు డిమాండ్ చేశారు.
దీంతో వెంటనే అక్కడకు చేరుకున్న పోలీసులు మూడు మద్యం షాపులను తాత్కాలికంగా మూసివేశారు. ఆంధ్రప్రదేశ్ లో గడచిన 24 గంటలలో 67 కొత్త కరోనా కేసులు నమోదు అయ్యాయి. దీనితో మొత్తం కేసుల సంఖ్య 1,650కు చేరింది. గ్రీన్, ఆరంజ్ జోన్లలో భారీగా ఆంక్షలు సడలించడం, ఇప్పుడు మద్యం షాపులు కూడా తెరవడంతో కేసులు పెరుగుతాయా అనేది చూడాలి.
Andhra Pradesh Deputy Chief Minister Pawan Kalyan's office has strongly denied social media rumours claiming…
The Telugu film industry has had a strange trend for the last few years. Films…
