‘బాహుబలి’ సినిమా ద్వారా లభించిన ఖ్యాతిని సద్వినియోగం చేసుకునే విధంగా పలు కార్పొరేట్ కంపెనీలకు బ్రాండ్ అంబాసిడర్ గా ఉండబోతున్నాడు ప్రభాస్. ‘బాహుబలి 1’ విడుదలైన తర్వాత మహీంద్రా వంటి కంపెనీ తరపున ప్రచారకర్తగా నిలిచిన ప్రభాస్, తాజాగా ‘బాహుబలి 2’ తర్వాత ఓ మొబైల్ సంస్థకు ‘బ్రాండ్ అంబాసిడర్’గా ఉండేందుకు ఒప్పందాలు కుదుర్చుకున్నారు. ఆటో మొబైల్ రంగంలో మహేష్, అల్లు అర్జున్ లు పోటీ పడుతున్నప్పటికీ, ప్రభాస్ కార్ల రేంజ్ కు వెళ్ళాడు.
అయితే ఓ మొబైల్ సంస్థకు ‘బ్రాండ్ అంబాసిడర్’గా మాత్రం ఇప్పటివరకు ఏ తెలుగు హీరో కూడా లేకపోవడం విశేషం. దీంతో ఆ విశిష్టతను సొంతం చేసుకున్న తొలి హీరోగా యంగ్ రెబల్ స్టార్ రికార్డులకెక్కబోతున్నాడు. ‘బాహుబలి 2’ విజయం తర్వాత ఎన్నో కంపెనీలు ప్రభాస్ వెంటపడుతున్నా… వాటికి ఓకే చెప్పకుండా ‘జియోనీ’ మొబైల్ కంపెనీకి ప్రచారకర్తగా ఉండేందుకు అంగీకారం తెలపడం విశేషం. ఇప్పటికే ఈ బ్రాండ్ ను విరాట్ కోహ్లి, శృతిహాసన్, అలియా భట్ తదితరులు ప్రమోట్ చేస్తుండగా, తాజాగా ప్రభాస్ వాళ్ళ సరసన చేరబోతున్నాడు.
ఎన్నికలు ఈవీఎంలతో జరిగినా, బ్యాలెట్ పద్ధతిలో జరిగినా ప్రజల తీర్పు మాత్రం కూటమికే అనుకూలంగా ఉందని కేంద్ర మంత్రి పెమ్మసాని…
ఏపీ వ్యాప్తంగా జరిగిన స్థానిక ఎన్నికల సమరంలో రాజకీయాలకు అత్యంత కేంద్ర బిందువుగా ఉండే విజయవాడ మేయర్ పీఠంపై తీవ్ర…
