‘ధృవ’ విశేషాలు చెప్తున్న రామ్ చరణ్!

సురేందర్ రెడ్డి దర్శకత్వంలో మెగా వారసుడు రామ్ చరణ్ హీరోగా నటించిన “ధృవ” సినిమా డిసెంబర్ 9వ తేదీన విడుదల కానున్న విషయం తెలిసిందే. దీంతో ఈ సినిమా ప్రమోషన్ కార్యక్రమాలలో వేగం పుంజుకున్నాయి. ఓ వైపు డిసెంబర్ 4వ తేదీన ప్రీ రిలీజ్ వేడుకను హైదరాబాద్ లో ఘనంగా నిర్వహించేందుకు సన్నాహాలు జరుగుతుండగా, మరో వైపు చిత్ర హీరో రామ్ చరణ్ వంటి వారు బుల్లితెరపై ప్రమోషన్ కార్యక్రమాల కోసం షూటింగ్ లు నిర్వహిస్తున్నారు.

ఒకప్పుడు సినిమా విడుదలైన తర్వాత ఫలితాన్ని బట్టి మాత్రమే ఇలా ప్రమోషన్ కార్యక్రమాలలో పాల్గొనేవారు. కానీ, ‘బాహుబలి, శ్రీమంతుడు’ సినిమాల పుణ్యమా అని తెలుగు సినిమా ప్రమోషన్ కార్యక్రమాలు పూర్తిగా మారిపోవడంతో, ప్రస్తుతం చిన్న, పెద్ద హీరోల సినిమాలన్నీ విడుదలకు ముందే హంగామా ఎక్కువగా ఉంటోంది. ఈ ప్రమోషన్ కార్యక్రమాలను బట్టే సినిమా ఓపెనింగ్స్ కూడా ఆధారపడి ఉంటున్నాయి. ఈ విషయంలో “ధృవ”కు ఏమీ లోటు లేకుండా చెర్రీనే రంగంలోకి దిగడంతో… ఆ ఆసక్తికర సంగతులు గురించి మెగా ఫ్యాన్స్ నిరీక్షిస్తున్నారు.

బుల్లితెర హాట్ బ్యూటీ అనసూయ చేసిన ఓ ఇంటర్వ్యూకు సంబంధించిన ఫోటో ప్రస్తుతం సోషల్ మీడియాలో సర్క్యూలేట్ అవుతోంది. రామ్ చరణ్ ఏదో ఆసక్తికర సంఘటన వివరిస్తున్నట్లుగా ఉన్న ఈ ఫోటోలో చెర్రీ లుక్ ఫ్యాన్స్ ను ఫిదా చేస్తోంది. “ధృవ”లో ఫుల్ షేవ్ తో పోలీస్ గెటప్ లో అభిమానులను ఆకట్టుకునే విధంగా ఉన్న చెర్రీ, ప్రస్తుతం ఫుల్ గడ్డంతో కళ్ళజోడు పెట్టుకుని దర్శనమిస్తున్నాడు. మెగా హీరోలతో ఐటెం సాంగ్ ఆఫర్లను వదిలేసిన అనసూయ, ఈ మెగా హీరోను ఇంటర్వ్యూ చేయడం విశేషమే.