ఫ్యాన్స్ కు పిచ్చెక్కిస్తున్న “రత్నాపూర్ కా సర్ధార్” పోస్టర్!

పవర్ స్టార్ ను ఫ్యాన్స్ ఎంత పిచ్చిగా అభిమానిస్తారో కొలమానానికి అందని విధంగా ఉంటుంది. ప్రస్తుతం ఆ అభిమానానికి పవన్ కళ్యాణ్ పరీక్ష పెడుతున్నట్లున్నారు. ఈ నెల 20వ తేదీన ఈ సినిమా ఆడియో విడుదల కానున్న నేపధ్యంలో ప్రచారం ఊపందుకుంది.

ప్రస్తుతం సోషల్ మీడియాలో ఎక్కడ చూసినా “సర్ధార్ గబ్బర్ సింగ్” హంగామానే. చిన్న చిన్న విషయాలకే పవన్ అభిమానులు సృష్టించే సందడి అంతా ఇంతా కాదు. మరి అలాంటిది… పవన్ కళ్యాణ్ గుర్రం మీద స్వారీ చేయడం కాదు, గుర్రాన్ని పైకి లేపుతూ దర్శనమిస్తే… ఫ్యాన్స్ కు పిచ్చేక్కిపోదు.

ప్రస్తుతం అదే పిచ్చిలో ఉన్నారు పవన్ అభిమానులు. “సర్ధార్ గబ్బర్ సింగ్” సినిమా హిందీలో కూడా విడుదల అంటూ తాజాగా చిత్ర యూనిట్ విడుదల చేసిన పోస్టర్ ఫ్యాన్స్ ను భూమ్మీద నిలవకుండా చేస్తోంది. ఎప్పుడెప్పుడు “సర్ధార్”ను వెండితెరపై చూసేద్దామని ఊవ్విళ్ళూరుతున్నారు.