‘శాతకర్ణి’ చరిత్రను వక్రీకరించలేదు – సిరివెన్నెల!

అతి త‌క్కువ చారిత్రక ఆధారాలు ఉన్న క‌థ శాత‌క‌ర్ణి అని.., క్రిష్ క‌ల బాల‌కృష్ణ ద్వారా ప్ర‌పంచం చూస్తోందని.., బాల‌కృష్ణ‌ అద్భుతమైన న‌ట‌న‌ను క‌న‌బ‌ర్చార‌ని.., శాత‌క‌ర్ణిని తెలుగు వారికి మ‌రోసారి గుర్తు చేశార‌ని… చ‌రిత్ర‌ను ఆధారంగా చేసుకొని ఈ సినిమాను క్రిష్ తీశారే తప్ప… చరిత్రను వక్రీకరించి కాదని సిరివెన్నెల సీతారామశాస్త్రి కీలక వ్యాఖ్యలు చేసారు.

‘గౌతమీపుత్ర శాతకర్ణి’ సినిమా విడుదలై విజయవంతం అయిన తర్వాత… శాతకర్ణి చ‌రిత్ర‌ను వ‌క్రీక‌రించారు… స‌క్రీక‌రించారు… అని ప‌లువురు విమ‌ర్శ‌లు చేస్తున్నార‌ని అది స‌రికాద‌ని, తాను ఈ సినిమాకి పాట‌లు రాయాల్సి వ‌చ్చినప్పుడు విశ్వ‌నాథ‌ స‌త్య‌నారాయ‌ణ ర‌చించిన‌ ఆంధ్ర‌ప్ర‌శ‌స్తిని చ‌దివాన‌ని, శాత‌క‌ర్ణి గురించి అందులో ఉంద‌ని సిరివెన్నెల తెలిపారు.

చ‌క్ర‌వ‌ర్తులంద‌రిలో మిన్న‌యిన‌ చ‌క్ర‌వర్తి శాత‌క‌ర్ణి అని అందులో ఉంద‌ని, ఒక శ‌కానికి ఆరంభ‌కడుగా పిల‌వ‌ద‌గిన వ్య‌క్తి శాత‌క‌ర్ణి అని, ఈ సినిమా ఆర్థిక‌మైన విజ‌యం సాధిస్తోంద‌ని, చారిత్ర‌కమైన విజ‌యం సాధించిన సినిమాగా కూడా నిలుస్తుంద‌ని అన్నారు. నంద‌మూరి బాల‌కృష్ణ‌ను తండ్రిని మించిన త‌న‌యుడు అంటే బాగుంటుందని ఈ సందర్భంగా సిరివెన్నెల సీతారామ‌శాస్త్రి అభిప్రాయ పడ్డారు.