ఇంకొందరు సెలబ్రిటీలకు అసలు తెల్లవారనే లేదు. ప్రధాని మోడీ శబాష్ అన్నారు. తమిళనాడు సిఎం స్టాలిన్ తో మొదలుపెట్టి తెలుగు రాష్ట్రాల ముఖ్యమంత్రులు అందరూ ఇవాళ సాధించిన ఘనతను ప్రత్యేకంగా మెచ్చుకోకుండా ఉండలేకపోయారు. అలాంటిది తాము బాలీవుడ్ ని శాశిస్తున్నామని గొప్పలు పోతున్న స్టార్లకు మాత్రం తీరిక దొరకడం లేదు. కారణం దక్షిణాది దర్శకుడు ఇంత గొప్ప స్థాయిలో నీరాజనాలు అందుకోవడం జీర్ణం కావడం లేదు. దేశదేశాల్లో ఆర్ఆర్ఆర్ కు పడుతున్న బ్రహ్మరథాన్ని ఇప్పటికీ నమ్మలేని వాళ్ళ సంఖ్య వందల్లో కాదు లక్షల్లో ఉంది.
ఇకపై కూడా ఇది కొనసాగుతుంది. తాము ఎంత బ్రతిమాలుకున్నా తెలుగు హీరోలతో జట్టు కడుతున్న రాజమౌళి మీద అక్కసు పెంచుకున్న వాళ్ళు అన్ని భాషల్లోనూ ఉన్నారు. ఏ చిన్న అవకాశం దక్కినా చాలు కిందకు లాగడానికి ఎదురు చూస్తున్నారు. అయితే జక్కన్నఎక్కింది నిచ్చెన కాదు రంపం తీసుకుని మెట్లు కోయడానికి. రాకెట్ వేసుకెళ్లి అంతరిక్షపు సింహాసనం మీద కూర్చున్నాడు. చేరుకోవాలన్న ఆలోచనే పెద్ద సాహసం. తొంభై ఏళ్ళకు పైగా చరిత్ర ఉన్న టాలీవుడ్ లో మొదటిసారి ఒక తెలుగు పాట ఆస్కార్ ప్రతిమ అందుకోవడమంటే మాటలు కాదు.
రాబోయే రోజుల్లో ఇంకొంత కాలం ఈ ఆర్ఆర్ఆర్ విజయం తాలూకు సంబరాలు ఉంటాయి. తర్వాత మహేష్ బాబుతో సినిమా మొదలుపెట్టాలి. దానికి బిజినెస్ ఏ స్థాయిలో ఉంటుందో కనీసం ఓ పేపర్ మీద అంచనా వేయడం కష్టమే. ఈసారి జపాన్ లాంటి దేశాల్లో కూడా ఒకేసారి రిలీజ్ చేసినా ఆశ్చర్యం లేదు. అసలే ఇండియానా జోన్స్ తరహాలో ఫారెస్ట్ అడ్వెంచర్ అంటున్నారు. ఈ జానర్ నచ్చని వాళ్ళు ఉండరు. రెండు మూడు వేల కోట్లు కేవలం థియేట్రికల్ బిజినెస్ నుంచే వచ్చినా ఆశ్చర్యం లేదు. అందుకే మెచ్చేవాళ్లను ఏడ్చేవాళ్ళను వదిలేయడమే ఇప్పటిదాకా రాజమౌళి చేసింది ఇకపై చేయబోయేది.
Vijay Deverakonda is thrilled with Sandeep Reddy Vanga’s response to his latest film, Ranabaali. The…
The Narendra Modi government is facing fresh challenges in pushing forward its major reforms. Plans…
