టాలీవుడ్ లో మాత్రం దీనికి భిన్నమైన పరిస్థితి నెలకొంది. రామ్ చరణ్ గేమ్ చేంజర్ ఎప్పుడు వస్తుందో నిర్మాత దిల్ రాజే చెప్పలేకపోతున్నారు. దీనికన్నా చాలా ఆలస్యంగా మొదలైన మహేష్ బాబు 28 దర్జాగా జనవరి 13 తీసుకుని తాపీగా కూర్చుంది. ఇండియన్ 2 సంగతి తేలితే కానీ శంకర్ ఈ చరణ్ సినిమా ఎప్పుడు పూర్తి చేసేది బయటపడడు. అఖిల్ ఏజెంట్ సంగతీ ఇలాగే ఉంది. ఇంకో పాతిక రోజుల్లో రిలీజ్ పెట్టుకుని ఇంకా రెండు పాటలు బ్యాలన్స్ ఉన్నాయట. ఇప్పటికే విపరీతమైన వాయిదాలకు గురయ్యింది.
దర్శకుడు సురేందర్ రెడ్డి నిర్మాత అనిల్ సుంకర్ మధ్య ఈ విషయంగానే ఏవో విభేదాలు వచ్చాయని ఆల్రెడీ కామెంట్స్ వినిపిస్తున్నాయి. నిజమో అబద్దమో ఏదీ తేల్చడం లేదు. దీనికి సమాంతరంగా అదే రోజు వస్తున్న పొన్నియన్ సెల్వన్ 2 తాలూకు ఆడియో ప్లస్ ట్రైలర్ లాంచ్ రెండూ జరిగిపోయాయి. కానీ ఏజెంట్ విషయంలో బుడ్డ టీజర్, రెండు పాటలు తప్ప ఎలాంటి కదలిక లేదు. పుష్ప 2 సంగతి సరేసరి. అల్లు అర్జున్ సుకుమార్ ల విలువైన ఏడాది కాలం కేవలం స్క్రిప్ట్ ఫైనల్ చేయడంలోనే గడిచిపోయింది.
జూనియర్ ఎన్టీఆర్ కొరటాల శివ కాంబో సైతం విపరీతమైన జాప్యానికి గురై సంవత్సరం తర్వాత సెట్స్ పైకి వెళ్ళింది. కారణాలు ఎన్నైనా ఉండొచ్చు సమర్ధింపులు ఎన్నయినా చేసుకోవచ్చు. కానీ దేనికైనా ఒక లిమిట్ ఉండాలిగా. తమ అభిమాన హీరోల సినిమాలే జీవితంలో అత్యంత ముఖ్యమైన వాటిలో ఒకటిగా భావించే కోట్లాది ఫ్యాన్స్ మనోభావాలు పరిగణనలోకి తీసుకోవాలి. ఇకపైన ఈ పద్దతి మారాలి. వేగం పెరగాలి. అందరూ రాజమౌళిలాగా ఏళ్లకేళ్లు సినిమాలు చెక్కుతూ కూర్చుంటే కొత్త జనరేషన్ టైర్ 1 స్టార్లు కెరీర్ మొత్తంలో యాభై సినిమాలు చేయడం అసాధ్యం. ఈ లెక్కన చిరంజీవి బాలకృష్ణను వందా నూటాయాభై ఎలా చేశారబ్బా అనే భేతాళ ప్రశ్న తలెత్తుంది.
Aakasamlo Oka Tara, presented by Geetha Arts and Swapna Cinema, explores the story of Kalpana,…
Ranabaali has been facing criticism over its background score since its release. Starring Vijay Deverakonda…
