[m9ad]
ఇంగ్లాండ్ లో తొలి టెస్ట్ మ్యాచ్ లో ప్రదర్శించిన రెండు అద్భుతమైన ఇన్నింగ్స్ లకు గానూ అప్పటివరకు నెంబర్ 1 స్థానంలో ఉన్న స్టీవ్ స్మిత్ ను వెనక్కి నెట్టి, అగ్ర స్థానాన్ని కైవసం చేసుకున్నాడు. 2011 తర్వాత టెస్ట్ ర్యాంకింగ్స్ లో టీమిండియా బ్యాట్స్ మెన్ నెంబర్ 1 కావడం ఇదే ప్రధమం. అప్పట్లో సచిన్ తన వీరవిహారమైన బ్యాటింగ్ తో నెంబర్ 1 స్థానాన్ని ఆక్రమించగా, ఇన్నాళ్ళకు విరాట్ కోహ్లి ఈ ఘనతను సాధించాడు.
ఇప్పటికే ఐసీసీ వన్డే ఇంటర్నేషనల్ మ్యాచ్ ర్యాంకింగ్స్ లో విరాట్ కోహ్లి అగ్ర స్థానంలో ఉండగా, తాజాగా టెస్ట్ విభాగంలో కూడా ఆక్రమించడం గర్వించదగ్గ అంశం. అయితే ఇందులో నిరాశ చెందే విషయం ఏమిటంటే… కెప్టెన్ గా ఇప్పటివరకు 5 టెస్ట్ మ్యాచ్ సెంచరీలను సాధించిన కోహ్లి, ఈ అయిదింటిలోనూ టీమిండియా ఓటమి పాలు కావడం. ఇదే రికార్డును గతంలో విండీస్ దిగ్గజం బ్రెయిన్ లారా కలిగి ఉండగా, ఇపుడు దానిని కోహ్లి సమం చేసాడు.
The advance booking trend on BookMyShow offers an indication of the buzz surrounding a film…
Bhuvneshwar Kumar is back in the Indian T20I team after four years, but his first…
