త్వరలో “ఓదార్పు యాత్ర – యంగ్ లీడర్స్”

వైయస్ జగన్ పుణ్యమా అంటూ రెండు తెలుగు రాష్ట్రాలకు పరిచయం అవసరం లేని పదం “ఓదార్పు యాత్ర.” 2010లో ప్రారంభమైన ‘ఓదార్పు యాత్ర’ను మొన్నటి వరకు కొనసాగిస్తూనే ఉన్నారు. దీంతో ప్రజల్లోకి బాగా బలంగా వెళ్ళిన ఈ పదాన్ని ఓ సినిమా టైటిల్ గా వినియోగించుకుంటున్నారు. దీనికి సంబంధించిన ఫోటో ఒకటి సోషల్ మీడియాలో సందడి చేస్తోంది.

నలుగురు క్రిమినల్స్, పోలీసులతో కూడిన “ఓదార్పు యాత్ర – యంగ్ లీడర్స్” సినిమా పోస్టర్ పై బిజినెస్ వివరాల కొరకు సంప్రదించాల్సిన ఫోన్ నెంబర్లను ప్రచురించారు. మరి ఈ సినిమా జగన్ ఓదార్పు యాత్రకు సంబంధించి ఉంటుందో లేక ఇతర కథాంశం తీసుకున్నారో గానీ, ప్రస్తుతం హల్చల్ చేస్తున్న పోస్టర్ కు, టైటిల్ కు సంబంధం లేనట్లుగా కనపడుతోంది.