లైలా లేకుండా వచ్చిన మజ్ను!

తొలి రెండు సినిమాలతో అనూహ్యమైన పరాజయాలు దక్కించుకున్న అక్కినేని అఖిల్, మూడవ ప్రయత్నంగా “మిస్టర్ మజ్ను”తో ప్రేక్షకుల ముందుకు రాబోతున్నారు. ‘తొలిప్రేమ’ ఫేం అట్లూరి వెంకీ దర్శకత్వం వహిస్తోన్న ఈ సినిమా ఫస్ట్ టీజర్ ఇప్పటికే విడుదలై ప్రేక్షకులకు మెప్పించగా, తాజాగా దీపావళి శుభాకాంక్షలు చెప్తూ ఓ పోస్టర్ ను రిలీజ్ చేసారు.

[m9ad]

లైలా లేకుండా ఓ స్టెప్ వేసుకుంటూ సింగిల్ గా ఉన్న “మజ్ను” పోస్టర్ అక్కినేని అభిమానులను మెప్పిస్తోంది. ‘బాయ్స్ విల్ బీ బాయ్స్’ అనే ట్యాగ్ లైన్ తో 2019, జనవరిలో ఈ సినిమా విడుదల అవుతోంది. ‘అత్తారింటికి దారేది’ ప్రొడ్యూసర్ బివిఎస్ఎన్ ప్రసాద్ నిర్మిస్తోన్న ఈ సినిమాకు ఎస్.ఎస్.థమన్ సంగీతం అందిస్తున్నారు. మరి ఈ మూడవ సినిమా అయినా అఖిల్ కు కావాల్సిన రిజల్ట్ ఇస్తుందో లేదో చూడాలి.