‘సన్నాఫ్ సత్యమూర్తి, రేసుగుర్రం, సరైనోడు’ వంటి సినిమాలతో వరుసగా సమ్మర్ సక్సెస్ లు అందుకున్న అల్లు అర్జున్, ఈ ఏడాది మాత్రం సమ్మర్ సీజన్ దాటిన తర్వాత ‘దువ్వాడ జగన్నాధమ్’ రూపంలో ప్రేక్షకుల ముందుకు వచ్చాడు. నిర్మాత, దర్శకుడు, హీరోల లెక్కల ప్రకారం ‘బ్లాక్ బస్టర్’ విజయంగా చెప్తున్నారు గానీ, ట్రేడ్ టాక్ ప్రకారం ‘డీజే’ బన్నీ పరాజయాల ఖాతాలోకి వెళ్ళిపోయిందని టాక్. సమ్మర్ సెంటిమెంట్ ను బ్రేక్ చేయడం వలన సక్సెస్ లకు పడిన బ్రేక్ ను, మళ్ళీ అదే సమ్మర్ తో అందుకునేందుకు అల్లు అర్జున్ “నా పేరు సూర్య” ద్వారా సిద్ధమవుతున్నాడు.
వక్కంతం వంశీ దర్శకత్వం వహించనున్న ఈ సినిమాను ఏప్రిల్ 27వ తేదీన సమ్మర్ స్పెషల్ గా విడుదల చేయనున్నామని చిత్ర యూనిట్ అధికారికంగా ప్రకటించేసారు. సాధారణంగా పూరీ జగన్నాధ్ మాత్రమే ఇలా సినిమా ప్రారంభం రోజునే విడుదల తేదీని ప్రకటించడం, ఆ తేదీ కంటే ముందుగానే సినిమాను సిద్ధం చేయడం జరుగుతూ ఉంటుంది. అన్నీ అనుకున్నట్లు జరిగితే ఆ జాబితాలోకి వక్కంతం వంశీ కూడా చేరనున్నాడు. ఇంకా 8 నెలల సమయం ఉంది కాబట్టి, అనుకున్న సమయానికి రావడం “నా పేరు సూర్య” చిత్ర యూనిట్ కు పెద్ద కష్టమైన పనేమీ కాకపోవచ్చు.
For Congress, the November 1 rally at Delhi's Ramlila Maidan was an opportunity to show…
The Tiger Shroff firing incident appears to have changed more than just the security arrangements…
