‘మగధీర’ సినిమాలో రామ్ చరణ్ కత్తి పెట్టి నరుకుతుంటే… శ్రీహరి లెక్కపెడుతున్న మాదిరి, బాక్సాఫీస్ వద్ద ‘బాహుబలి 2’ సృష్టిస్తున్న కలెక్షన్ల సునామీని ట్రేడ్ పండితులు 1100, 1200, 1300, 1400 కోట్లు అంటూ లెక్కపెట్టుకుంటూ… నాలుగవ వారం పోస్టర్ పడే సమయానికి 1500 కోట్ల రూపాయల విషయాన్ని అధికారికంగా రాజమాత శివగామిదేవి సాక్షిగా ప్రకటించారు. అవును… ఈ మహోన్నత విజయంలో మకుటాయమానంగా నిలిచిన శివగామి దేవి, దేవసేనలను చెరో వైపు కూర్చోపెట్టి, 1500 కోట్ల పోస్టర్ ను విడుదల చేసారు.
అసలు విషయం ఏమిటంటే… ఈ లెక్క ఇక్కడే ఆగేలా కనపడడం లేదు. ఈ ఉత్సాహం చూస్తుంటే హీనపక్షంగా మరో రెండు వందల కోట్లైనా ‘బాహుబలి 2’కు సమర్పించేలా ఉన్నారు. అటు బాలీవుడ్ లో గానీ, ఇటు టాలీవుడ్ లో గానీ, ప్రేక్షకులు చూడడానికి పోటీలో మరో సినిమా లేకపోవడం, అలాగే ‘బాహుబలి 2’ని చూసిన కళ్ళతో ఓ సాధారణ సినిమాలను చూడడానికి ప్రేక్షకులు కదలకపోవడంతో… రిపీట్ ఆడియన్స్ ఉధృతి బీభత్సంగా ఉందన్నది ట్రేడ్ రిపోర్ట్. అదే ‘బాహుబలి 2’ ఇంతటి విజయానికి ప్రధాన కారణం.
2024 సార్వత్రిక ఎన్నికల ప్రచారంలో జనసేన అధినేత పవన్ కళ్యాణ్ ను ఉద్దేశించి వైసీపీ నేతలు 'నిన్ను అసెంబ్లీ గేటు…
One of the crucial indicators of the potential lifetime performance of any film is based…
