ఆత్మహత్య చేసుకున్న యువ సినీ రచయిత!

నానా పటేకర్ నటించిన ‘అబ్ తక్ చప్పన్’ వంటి చిత్రాలకు కథా రచయితగా పనిచేసిన రవి శంకర్ అలోక్ ముంబైలోని ఓ బహుళ అంతస్తుల భవంతిపై నుంచి చూకి ఆత్మహత్య చేసుకున్నాడు. పోలీసులు వెల్లడించిన మరిన్ని వివరాల ప్రకారం, రవిశంకర్ పశ్చిమ అంధేరీలోని సెవన్ బంగ్లాస్ ప్రాంతంలో నివాసం ఉంటున్నాడు. బుధవారం అర్థరాత్రి 2 గంటల సమయంలో తన భవంతి పై అంతస్తుకు చేరుకున్న ఆయన, అక్కడి నుంచి దూకాడు.

అతని వద్ద గానీ, ఇంట్లో గానీ ఏ విధమైన సూసైడ్ నోట్ దొరకలేదు. ఆయన ప్రస్తుతం తీవ్ర ఒత్తిడిలో ఉన్నాడని, సైక్రియాట్రిక్ చికిత్స తీసుకుంటున్నాడని పోలీసులు వెల్లడించారు. ఈ ఘటనపై కేసు నమోదు చేసిన సుబ్రుబాన్ వెర్సోవా పోలీసులు విచారణ ప్రారంభించారు. కాగా గడచిన ఏడాది కాలంగా అతనికి బాలీవుడ్ లో అవకాశాలు రాలేదని తెలుస్తోంది. సినీ జీవితాలు ఎలా వెలుగుతాయో, అంతేస్థాయిలో అంతరించిపోతాయని చెప్పడానికి నిదర్శనమే ఈ ఘటన.