సెంటిమెంట్ కోసం కాదు… కధ డిమాండ్ చేసింది..!

కిషోర్ తిరుమల దర్శకత్వంలో రూపొందిన ‘ఉన్నది ఒకటే జిందగీ’ .. ఈ నెల 27వ తేదీన ప్రేక్షకుల ముందుకు రానుంది. ఈ సంధర్భంగా ఆయన మాట్లాడుతూ, తాను అనుకున్న విధంగా ఈ కథను తెరకెక్కించగలిగానని అన్నారు. సమస్యలు ఎదురైనప్పుడు వాటిని ఎలా పరిష్కరించుకోవచ్చుననేదానికి రామ్ పాత్ర అద్దం పడుతుందని చెప్పారు.

ఇక ‘నేను శైలజ’లో ఉన్నట్టుగానే ఈ సినిమాలోని బాల్యానికి సంబంధించిన సన్నివేశాలు వుంటాయని అన్నారు. ‘నేను శైలజ’ హిట్ అయింది కనుక .. ఆ సెంటిమెంట్ తో ఈ సినిమాలోనూ ఆ తరహా సీన్స్ ను పెట్టడానికి ట్రై చేయలేదని చెప్పారు. బాల్యంలో జరిగిన సంఘటనలు జీవితాంతం ప్రభావం చూపుతాయి గనుక, కథ మేరకే బాల్యానికి సంబంధించిన ఎపిసోడ్ ఉంటుందని అన్నారు. కథను మరింత బలంగా ముందుకు తీసుకెళ్లే విధంగా ఈ ఎపిసోడ్ ఉంటుందని చెప్పుకొచ్చారు.