టాస్ గెలిచి తొలుత బ్యాటింగ్ ఎంచుకున్న ఇంగ్లండ్ జట్టులో ఓపెనర్ హలేస్ 122 బంతుల్లో 22 ఫోర్లు, 4 సిక్సర్లతో 171 పరుగులు చేయగా, వన్ డౌన్ బ్యాట్స్ మెన్ రూట్ 85 పరుగులు చేసాడు. వీరిద్దరూ రెండవ వికెట్ కు 248 పరుగులు జోడించడం విశేషం. ఆ తర్వాత బట్లర్, మోర్గాన్ లు ఆకాశమే హద్దుగా చెలరేగడంతో చివరి 12 ఓవర్లలో ఏకంగా 161 పరుగులు వచ్చాయి. బట్లర్ 51 బంతుల్లో 90, మోర్గాన్ 27 బంతుల్లో 57 పరుగులతో సత్తా చాటారు. ఇంగ్లండ్ బ్యాట్స్ మెన్ షాట్లకు పాక్ బౌలర్ వహాబ్ రియాజ్ 10 ఓవర్లలో సెంచరీ పూర్తి చేసుకుని 110 పరుగులు సమర్పించుకున్నాడు.
ఇక, భారీ లక్ష్య చేధనలో ఏ మాత్రం పోరాటపటిమను ప్రదర్శించలేకపోయింది పాక్ జట్టు. ఓపెనర్ శార్జీల్ ఖాన్ 58, చివరి బ్యాట్స్ మెన్ మొహమ్మద్ అమీర్ 58 పరుగులు మినహా మిగతా వారంతా చేతులెత్తేయడంతో, 42.4 ఓవర్లలో 275 పరుగులకు ఆలౌట్ అయ్యింది. దీంతో 169 పరుగులతో విజయం సాధించిన ఇంగ్లండ్ జట్టు, 5 మ్యాచ్ ల సిరీస్ లో 3-0 తో ముందంజలో ఉంది. ఇంకా రెండు మ్యాచ్ లు మిగిలి ఉండగానే సిరీస్ సొంతం కావడంతో, ‘వైట్ వాష్’పై దృష్టి సారించింది.
Dulquer Salmaan’s I’m Game has not found the expected traction in the Telugu states. The…
Rashmika Mandanna, who recently took a break from work after suffering a hip injury, has…
