పాటపై అంచనాలు పెంచిన రొమాంటిక్ పోస్టర్!

కొన్ని పోస్టర్లు చూసిన వెంటనే వీక్షకులలో ఒక రకమైన అనుభూతులు కలుగుతాయి. అలాంటి అరుదైన పోస్టర్లలో ఒకటే ఈ “ఇరుముగన్” రొమాంటిక్ ఫోటో. గతంలో ఇదే లొకేషన్లో మరో రొమాంటిక్ ఫోటో సోషల్ మీడియాలో సందడి చేయగా, తాజాగా నయనతార – విక్రమ్ లు ముద్దుపెట్టుకునే విధంగా ఉన్న ఈ రొమాంటిక్ యాంగిల్ వీక్షకులను పడేసింది.

శనివారం నాడు విడుదల చేయబోతున్న ‘హలెనా’ పాట టీజర్ కు సంబంధించి చిత్ర యూనిట్ రిలీజ్ చేసిన ఈ పోస్టర్ వీక్షకులను ఊరిస్తోంది. అంతేకాదు, ఈ రొమాంటిక్ సాంగ్ ఏ విధంగా ఉంటుందో అన్న ఆసక్తి, అంచనాలు రెట్టింపు అయ్యాయి. ఓ పక్కన సహజ సిద్ధమైన ప్రకృతి అందాలు, మరో పక్కన సుందరాంగి బొమ్మ సోయగాలు… ఇలా ప్రేక్షకులకు కనువిందు చేస్తూ ఉంటే… కన్నుల పండుగ కాక ఇంకేముంటుంది..?