‘చందమామ’ బ్యూటీ కదా.. పడేయకుండా ఉంటుందా..!

నందమూరి కళ్యాణ్ రామ్ హీరోగా ఉపేంద్ర దర్శకత్వంలో తెరక్కుతోన్న “ఎంఎల్ఏ” సినిమాకు సంబంధించి లేటెస్ట్ పోస్టర్ విడుదలైంది. హీరోయిన్ కాజల్ అగర్వాల్ కు స్పూన్ తో ఫీడ్ చేస్తోన్న కళ్యాణ్ రామ్ పిక్ వీక్షకులను ఆకర్షిస్తోంది. రొమాంటిక్ ఫీల్ ఇస్తోన్న ఈ పోస్టర్ లో… కాజల్ అగర్వాల్ ప్రదర్శించిన హావభావాలు యువ హృదయాలను కొల్లగుడుతున్నాయని చెప్పడంలో సందేహం లేదు.

ఈ ఏడాది సమ్మర్ స్పెషల్ గా మార్చి 23వ తేదీన విడుదల కావడానికి సిద్ధమవుతున్న ఈ సినిమా ప్రమోషన్స్ ఇప్పటివరకు ప్రారంభం పెద్దగా కాలేదు. ఇటీవల కళ్యాణ్ రామ్ ను ఇంట్రడ్యూస్ చేస్తూ రిలీజ్ చేసిన టీజర్ ఆకట్టుకున్నప్పటికీ, సినిమాపై ఆసక్తిని పెంచే విధంగా లేదు. కానీ ఈ రొమాంటిక్ పోస్టర్ మాత్రం కావల్సినంత ఎనర్జీని పంచింది. ఎంతైనా ‘చందమామ’ కదా… ఆకర్షించకుండా ఎలా ఉండగలదు..!