మహేష్ బాబుని దాటడం ఆ కన్నడ హీరో వల్ల అవుతుందా?

విడుదలైన ఒకటిన్నర సంవత్సరాల తరువాత, చివరకు కెజిఎఫ్ టెలివిజన్‌లో వస్తోంది. ఈ చిత్రం యొక్క ప్రపంచవ్యాప్త టెలివిజన్ ప్రీమియర్ ఆదివారం సాయంత్రం 5.30 గంటలకు స్టార్ మా లో జరుగుతుంది. ఛానెల్ ఈ చిత్రం కోసం విస్తృతంగా ప్రమోషన్లు చేస్తోంది. సినిమా కు చాలా హైప్ ఉండడంతో టీవీ ప్రీమియర్ కు భారీ టీవీఆర్ రేటింగ్స్ కోసం నిపుణులు ఆశిస్తున్నారు.

సూపర్ స్టార్ మహేష్ బాబు యొక్క సరిలేరు నీకెవ్వరూ కు వచ్చిన అత్యధిక టీవీఆర్ రేటింగ్‌ను ఈ చిత్రం దాటగలదా అని చూడాలి. సరిలేరు నీకెవ్వరూ టెలివిజన్ ప్రీమియర్ కు 23.04 టీవీఆర్ రేటింగ్‌వచ్చింది. కెజిఎఫ్ రేటింగ్‌ను దాటగలదా అని చూడాలి. అయితే టెలివిజన్‌లో మహేష్ బాబు చిత్రాన్ని ఓడించడం అంత సులభం కాదు.

మహేష్ బాబుకు ఫ్యామిలీ ఆడియన్స్ ఎక్కువ… టీవీలలో సినిమాలు ఎక్కువగా చూసేది వారే. అయితే కెజిఎఫ్ ఫక్తు మాస్ సినిమా. కాబట్టి ఏం జరుగుతుందో చూడాలి. ఇది ఇలా ఉండగా… ఈ సినిమా రెండవ భాగం, కెజిఎఫ్ 2 ప్రస్తుతం నిర్మాణంలో ఉంది. ఈ చిత్రం దసరా కోసం విడుదల కావాల్సి ఉంది కాని కరోనా బ్రేక్ కారణంగా ఇది వాయిదా పడింది.

ఈ సినిమా వచ్చే ఏడాది వరకు వాయిదా పడింది. షూటింగ్ పునః ప్రారంభించిన తర్వాతే విడుదల తేదీ స్పష్టత బయటపడుతుంది. కరోనా ప్రభావం తగ్గిన తరువాత అనేక భాషలలో సినిమాలు విడుదల అవుతాయి. అటువంటి తరుణంలో కెజిఎఫ్ 2 అనేక భాషలలో ఒకేసారి విడుదల అయ్యేందుకు అనుకూలమైన రిలీజ్ డేట్ దొరకడం అంత తేలికైన వ్యవహారం కాదు.