నా ‘ఐ ఫోన్ 7 ప్లస్’ వచ్చేసింది – సెలబ్రిటీ ఆనందం!

మార్కెట్ లో ఎలక్ట్రానిక్ గాడ్జెట్స్ ఎందుకు అంతగా ఆదరణ పొందుతున్నాయో అని చెప్పడానికి ఒక ఉదాహరణ. ఇటీవలే ‘ఐ ఫోన్ 7 ప్లస్’ మార్కెట్ లో విడుదలైన విషయం తెలిసిందే. ఈ ఫోన్ కుండే క్రేజ్ తెలియనిది కాదు. ప్రపంచం నలుమూలాల విపరీతమైన ఆర్డర్ లు వచ్చిపడే ఈ ఫోన్ పట్ల సెలబ్రిటీలలో ఎంత క్రేజ్ ఉందో మంచు లక్ష్మి చెప్పకనే చెప్తోంది.

డబ్బులకు కొదవలేని కొందరి సినీ సెలబ్రిటీల జీవితాలకు ఐ ఫోన్ 7 ప్లస్ ధర పెద్దగా అనిపించకపోవచ్చు. అయితే దానిని పొందిన సమయంలో వారికి లభిస్తున్న ఆనందం మాత్రం పెద్దగానే ఉందని మంచు వారమ్మాయి ఫోటో చూస్తే తెలిసిపోతోంది. ‘నా ఐ ఫోన్ 7 ప్లస్ వచ్చేసింది… హీ…హా… అంటూ నా కంటే ఆనందంగా ఉండే వారెవరూ లేరు’ అంటూ తెగ సంబరపడిపోతున్న ఫోటో ఒకటి సోషల్ మీడియాలో పోస్ట్ చేసింది.

ఇలాంటి సెలబ్రిటీలను చూసే సామాన్యులలోనూ ఇలాంటి ఫోన్ల పట్ల విపరీతమైన క్రేజ్ ఏర్పడుతోంది. గతంలో ఐ ఫోన్ 6 కోసం ఓ విదేశీ మహిళ నడిరోడ్డుపైనే వివస్త్రగా మారి సంచలనం సృష్టించిన విషయం తెలిసిందే. అలాగే మన దేశంలో కొన్ని మర్డర్లు కూడా నమోదైన ఉదంతాలు ఉన్నాయి. మరి సెలబ్రిటీలోనే ఇంతటి క్రేజ్ ఏర్పరచుకున్న ఐ ఫోన్ 7 ఎలాంటి ప్రకంపనలు సృష్టిస్తుందో చూడాలి.