పవన్ హీరోయిన్ ఆరోపించిన ఆ తెలుగు హీరో ఎవరు?

1000 కోట్ల రూపాయలు వసూలు చేసిన తొలి భారతీయ సినిమాగా చరిత్ర పుటల్లోకి ఎక్కిన బాహుబలి డైరెక్టర్ ఎవరు? అంటూ ఓ తెలుగు నటుడు తనను అడిగాడని పవన్ కల్యాణ్ సరసన కొమురం పులి సినిమాలో హీరోయిన్ గా నటించిన నికిషా పటేల్ తన సోషల్ మీడియా ఖాతాలో పోస్ట్ లు పెట్టింది.

ఇటీవల ఓ తెలుగు హీరోను ‘బాహుబ‌లి-2: ద కన్ క్లూజన్’ సినిమా చూశావా’ అని అడిగాను. దానికి ఆ నటుడు తిరిగి నికీషా ప‌టేల్ ను ‘ఆ సినిమాకు ద‌ర్శ‌కుడెవ‌రు?’ అని నిర్లక్ష్యంగా ప్రశ్నించాడని తెలిపింది. దానికి తాను చాలా ‘ఆశ్చర్యపోయానని, అతనిని చూస్తుంటే అసహ్యమేసిందని, దీనికి సిగ్గుపడాలని’ తెలిపింది.

ఆ నటుడు పేరును ఉచ్ఛరించాలంటే కూడా చిరాగ్గా ఉందని నికీషా పటేల్ తెలిపింది. కాగా, ఇప్పటికే రాజమౌళిని తెలుగు సినీ పరిశ్రమకు చెందిన స్టార్ హీరోలంతా అభినందించడంతో నికీషా పటేల్ తో ఇలా ఎవరు వ్యాఖ్యానించి ఉంటారు? అని టాలీవుడ్ లో చర్చించుకుంటున్నారు.