ప్లీజ్… ఆ ఒక్కటి చెప్పొద్దు… అన్న నితిన్..!

పవన్ కల్యాణ్ నటించిన ‘తొలిప్రేమ’ సినిమా చూసిన తరువాత హీరో అవ్వాలని డిసైడ్ అయిపోయానని హీరో నితిన్ వ్యాఖ్యానించాడు. నితిన్ నటించిన ‘ఛల్ మోహన్ రంగ’ సినిమా విడుదలకు సిద్ధమైన సందర్భంగా జరిగిన ప్రీ రిలీజ్ ఈవెంట్ లో నితిన్ మాట్లాడుతూ…. పవన్ సినిమా వస్తే, ఆర్టీసీ క్రాస్ రోడ్డులో బ్యానర్లు కట్టి, బట్టలు చింపుకుంటూ డ్యాన్సులు వేసి, థియేటర్లలో పేపర్లు ఎగరేశానని గుర్తు చేసుకున్నాడు.

అటువంటి పవన్ తన సినిమాకు నిర్మాత కావడం తనకెంతో ఆనందంగా ఉందని, అభిమానుల తరఫున పవన్ కు ఓ చిన్న రిక్వెస్ట్ చేస్తున్నానని చెప్పిన ఆయన, “పవన్ కల్యాణ్ ఏ ఫీల్డ్ కు వెళ్లినా సక్సెస్ అవుతారు. కానీ మీ నోటి వెంట సినిమాలు చేయను, మానేస్తున్నాను అని మాత్రం అనవద్దు. ఫ్యాన్స్ గా మేము తట్టుకోలేము” అని అభిమానుల తరపు నుండి తన విజ్ఞప్తిని తెలిపాడు. ఒకవేళ సినిమాలు చేయకూడదని అనుకున్నా, ఆ మాట చెప్పవద్దని, అభిమానులుగా తాము ఎప్పుడైనా ఓ సినిమా చేస్తారులే అన్న హోప్ తో ఉంటామని అన్నాడు.