ఏడిపించిన పాట వచ్చేసింది… తెగ నచ్చేస్తోంది..!

‘రంగస్థలం’ సినిమాలో మరో పాట ఉందని, ఆ పాటను సినిమా రిలీజ్ తర్వాత్ విడుదల చేస్తామని, ఇప్పుడే రిలీజ్ చేస్తే సినిమాలో ఉన్న మెయిన్ కంటెంట్ రివీల్ అయిపోతుందని చెప్పిన చిత్ర యూనిట్, అన్నట్లుగానే ఈ పాటను రిలీజ్ చేసింది. నిజానికి సినిమాలో చూసినపుడు సున్నిత హృదయస్తుల కంట కన్నీరు తెప్పించిన ఈ పాట రిలీజ్ కోసం చాలామంది ఎదురు చూసారు.

ఇంకా చెప్పాలంటే సోషల్ మీడియాలో సంగీత దర్శకుడు దేవిని, చిత్ర నిర్మాణ సంస్థను ఈ పాట రిలీజ్ చేయాల్సిందిగా అడిగారు కూడా! తాజాగా ఆ పాటను యూ ట్యూబ్ లో విడుదల చేసారు. చంద్రబోస్ స్వయంగా రచించి ఆలపించిన ఈ పాట, సినిమా చూసిన ప్రేక్షకులకు బాగా కనెక్ట్ అవుతుందని చెప్పడంలో అతిశయోక్తి లేదు.

‘నాన్నకు ప్రేమతో’ టైటిల్ సాంగ్ ఎంత హార్ట్ టచింగ్ గా ప్రేక్షకుల మనసు తాకిందో, ఈ సాంగ్ కూడా అంతే స్థాయిలో సిల్వర్ స్క్రీన్ పై పండింది. ముఖ్యంగా ‘రంగస్థలాన…. రంగస్థలనా నీ పాత్ర ముగిసేనా…’ ‘మా పాపపుసెవికది యినపడకుంటాదిరా….’ అనే లిరిక్స్ తో చంద్రబోస్ అండ్ దేవి గుండెల్ని పిండారని చెప్పొచ్చు. ఈ పాటతో సినిమా క్లైమాక్స్ హైలైట్స్ లో ఒకటిగా నిలిచింది.