‘పవర్ స్టార్’ సినిమాకు హైకోర్టు బ్రేకులు!

కన్నడ నాట ఇటీవల విడుదలై సూపర్ హిట్ టాక్ తెచ్చుకున్న ‘పవర్ స్టార్’ పునీత్ రాజ్ కుమార్ చిత్రం ‘అంజనీపుత్ర’ ప్రదర్శన నిలిపివేయాలని కోర్టు కీలక ఆదేశాలు జారీ చేసింది. ఈ సినిమాలో న్యాయవాదులను కించపరిచేలా కొన్ని సన్నివేశాలు ఉన్నాయని ఆరోపిస్తూ, సదరు సన్నివేశాలను తొలగించి, క్షమాపణలు చెప్పాలని డిమాండ్ చేస్తూ ఓ న్యాయవాది కోర్టును ఆశ్రయించారు.

అలాగే సదరు అభ్యంతరకర సన్నివేశాలను తీసేసే వరకూ చిత్రంపై నిషేధాన్ని విధించాలని కోరారు. ఈ పిటిషన్ ను విచారించిన బెంగళూరు సిటీ సివిల్ కోర్టు న్యాయమూర్తి, జనవరి 2 వరకూ సినిమా ప్రదర్శన నిలిపేయాలని, ఈ లోపుగా లాయర్లను, న్యాయ వ్యవస్థను కించపరిచే డైలాగులను తొలగించాలని పేర్కొంది. దీంతో పవర్ స్టార్ సినిమాకు భారీ ఎదురుదెబ్బ తగిలినట్లయ్యింది.