ఇలాంటి సినిమాలు ఈమెకు అవసరమా?

కొత్తదనం కావాలని ప్రేక్షకులు పరితపిస్తున్న రోజులివి. స్టార్ హీరోలతో సంబంధం లేకుండా నూతన కధలతో వస్తున్న చిన్న చిత్రాలకు సైతం భారీ స్థాయిలో ప్రేక్షకులు పట్టాభిషేకం చేస్తున్నారు. ‘అవుట్ డేటెడ్’ నటినటులను గానీ, ‘అవుట్ డేటెడ్’ కధలకు ఏ మాత్రం ప్రాధాన్యత లేని ఈ రోజుల్లో…. ఒకప్పటి మలయాళ సినీ పరిశ్రమను ఊపేసిన షకీలా “శీలవతి” అనే పేరుతో ఓ సినిమాను ప్రేక్షకుల ముందుకు తీసుకు రాబోతోంది.

ఈ సినిమాకు సంబంధించిన తొలి టీజర్ ను విడుదల చేసారు. ‘తనకు సంతానం కావాలంటూ’ షకీలా చెప్పిన డైలాగ్స్ తో విడుదలైన ఈ టీజర్ ప్రేక్షకులలో ఎలాంటి ఆసక్తిని కలిగించకపోగా, ఇలాంటి సినిమాలు ఈమెకు అవసరమా? అన్న భావన కూడా వీక్షకులలో వ్యక్తమవుతుంది. టైటిల్ రోల్స్ ను వదిలేసి, క్యారెక్టర్ రోల్స్ ను ఎంపిక చేసుకుంటే ఒకటికి పది సినీ అవకాశాలు వస్తాయేమో గానీ, ఈ పరిస్థితులలో కూడా టైటిల్ రోల్స్ చేయడం ఎంతవరకు సమంజసమో షకీలానే అర్ధం చేసుకోవాలి.