కేంద్రంలో 400 సీట్లతో హ్యాట్రిక్ విజయం అందుకోబోతున్నాం అంటూ ఎన్నికల ప్రచారంలో ఉదరగొట్టిన బీజేపీ పెద్దలు నరేంద్ర మోడీ, షాలు అందుకు తగ్గట్టే జూన్ 4 తరువాత స్టాక్ మార్కెట్ ర్యాలీ జరుగుతుంది అంటూ ప్రకటనలు గుప్పించారు. వారి ప్రచారానికి తగ్గట్టే ఎగ్జిట్ పోల్స్ కూడా 350 + సీట్లతో కేంద్రంలో మరోసారి ఎన్డీయే ప్రభుత్వం కేంద్రంలో అధికారంలోకి రాబోతుంది అంటూ తేల్చి చెప్పాయి.
దీనితో జూన్ 4 కు ఒక్కరోజు ముందే స్టాక్ మార్కెట్ నిఫ్టీ 23 వేల ఆల్ టైం హై మార్కును టచ్ చేసి రికార్డు సృష్టించింది. దీనితో జూన్ 4 న మార్కెట్ మరే స్థాయిని తాకుతుందో అన్న భారీ అంచనాలతో కౌంటింగ్ రోజు మొదలయ్యింది. అయితే ఎవ్వరు ఊహించని తీరులో ఇండియా కూటమి కూడా ఎన్డీయే కూటమికి పోటాపోటీగా సీట్లను దక్కించుకోవడంతో భారీ నష్టాలతో స్టాక్ మార్కెట్ కుప్పకూలిపోయింది.
అదే తిరోగమనాన్ని కొనసాగిస్తూ ఈ రోజు ఉదయం కూడా మార్కెట్ తీవ్ర ఒత్తిడిని ఎదుర్కొంది. ఎన్డీయే vs ఇండియా కూటమిలో ప్రభుత్వాన్ని స్థాపించడానికి ఇటు ఏపీ, అటు బీహార్ ఎంపీ స్థానాలు కీలకముగా మారడంతో టీడీపీ ఎవరికీ మద్దతు ఇస్తుంది అనే అంశం మీద చర్చలు ఊపందుకున్నాయి. ఈ ఊహాగానాలకు చెక్ పెడుతూ చంద్రబాబు నాయుడు మా మద్దతు ఎన్డీయే కూటమే అని ప్రకటించారు.
ఈ ప్రకటనతో మార్కెట్లు ఒక్కసారిగా పుంజుకున్నాయని నేషనల్ మీడియా కూడా బాబు ప్రకటనను హై లైట్ చేస్తూ వార్తలు ప్రచురించాయి. దీనితో అటు ఎన్డీయే కూటమిని ఇటు దేశీయ మార్కెట్ నిలబడానికి చంద్రబాబు ప్రకటన ఊతమిచ్చినట్లయ్యింది. ఈ ఐదేళ్లల్లో ఏపీ ముఖ్యమంత్రిగా జగన్ కు కూల్చడం మాత్రమే తెలిసిందని, కానీ బాబుకు నిలబెట్టడం కూడా తెలుసనని టీడీపీ తమ్ముళ్లు నేషనల్ మీడియా ప్రచురించిన వార్తలను సోషల్ మీడియాలో వైరల్ చేస్తున్నాయి.
Faith, festivity, and the significance of the divine feminine come together in Amma Kadhili Vacche,…
India's team management has come under backlash for constantly changing its opening combination in T20Is.…
