ముప్పై నాలుగేళ్లు… జీవితంలో ఏం చూశాడని ఆత్మహత్య?

బాలీవుడ్ హీరో సుశాంత్ సింగ్ రాజ్‌పుత్ ముంబైలోని తన ఇంటిలో ఆత్మహత్య చేసుకున్నట్లు షాకింగ్ వార్తలు వస్తున్నాయి. తన బాంద్రా ఇంటిలో ఉరి వేసుకుని ఆత్మహత్య చేసుకున్నాడని సమాచారం. ఆత్మహత్యకు కారణాలు తెలియరాలేదు. కై పో చేతో బాలీవుడ్‌లో అడుగుపెట్టాడు! చివరగా చిచ్చోరే లో కనిపించాడు.

చిచ్చోరే 2019 లో విడుదల అయ్యింది. బాక్సాఫీస్ వద్ద భారీ బ్లాక్ బస్టర్ గా నిలిచిన ఈ చిత్రంలో శ్రద్ధా కపూర్ అతని సరసన నటించింది. ఈ రోజు వరకు అతని అతిపెద్ద హిట్ ఎంఎస్ ధోని: ది అన్‌టోల్డ్ స్టోరీ. ముఖేష్ ఛబ్రా దర్శకత్వం వహించిన ‘దిల్ బెచారా’ లో ఆయన నటిస్తున్నాడు. ఈ చిత్రం హాలీవుడ్ హిట్ ‘ది ఫాల్ట్ ఇన్ అవర్ స్టార్స్’ యొక్క అధికారిక రీమేక్.

ఈ చిత్రం మేలో విడుదల కావాల్సి ఉంది కాని కరోనా వైరస్ పాండమిక్ కారణంగా అది వాయిదా పడింది. పోలీసులు అనుమానాస్పద మృతిగా నమోదు చేసుకుని విచారణ ప్రారంభించారు. ఆయన ఇంట్లో దొరికిన కొన్ని మెడికల్ రిపోర్టులను బట్టి కొంతకాలంగా డిప్రెషన్ కు సంబంధించిన ట్రీట్ మెంట్ తీసుకుంటున్నాడని తెలిసింది.

పోలీసులు ఆ యాంగిల్ లో విచారణ ప్రారంభించారు. ఇటీవలే ఇర్ఫాన్ ఖాన్, రిషి కపూర్ మరణాల నుండి ఇంకా బయటకు రాని బాలీవుడ్ ను ఈ వార్త మరింత కలవరపెడుతుంది. అయితే ఇర్ఫాన్ ఖాన్, రిషి కపూర్ జీవితాన్ని బాగా ఆస్వాదించాకా కాలం చేశారు. అయితే సుశాంత్ కేవలం 34 ఏళ్ళ ప్రాయంలోనే అందులోనూ ఆత్మహత్య చేసుకుని తన ప్రాణం తీసుకున్నాడు.

Confused & Not Sure What to Watch on Amazon Prime, Netflix? Click Here