ఫ్యామిలీ స్టార్ డిజిటల్ అవ్వలేదా?

థియేటర్ రెవిన్యూ తగ్గడంతో నిర్మాతలు నాన్-థియేట్రికల్, హిందీ రైట్స్ నుండి వచ్చే సొమ్ముల మీద ఆధారపడి సినిమాలు తీస్తున్నారు. అయితే హిందీ మార్కెట్, డిజిటల్ మార్కెట్ ఒక్కేసారి డౌన్ అవ్వడంతో ఇండస్ట్రీలో ఒక మాదిరి సంక్షోభం మొదలయ్యింది.

చిన్నా పెద్దా అనే తేడా లేకుండా అన్ని సినిమాలు ఎఫెక్ట్ అవుతున్నాయి.

బడా నిర్మాత దిల్ రాజు… విజయ్ దేవరకొండ కాంబినేషన్ లో వస్తున్న ఫ్యామిలీ స్టార్ కూడా ఇబ్బంది పడుతుందని సమాచారం.

డిజిటల్ లో ఇప్పుడు భారీగా ఖర్చుపెట్టి సినిమాలు కొంటుంది అమెజాన్, నెట్ ఫ్లిక్స్…. అయితే రెండు కంపెనీలు ఫ్యామిలీ స్టార్ కొనడానికి ఆసక్తి చూపించడం లేదు.

నెట్ ఫ్లిక్స్ సంక్రాంతి సినిమాల్లో ఇప్పటికే గుంటూరుకారం కొంది. ఫ్యామిలీ స్టార్ ఒక రోజు తేడాలో రిలీజ్ అవుతుంది.

రెండు సినిమాలు నాలుగు వారాలకు ఓటీటీలో రావాల్సిందే. గుంటూరుకారం భారీ రేటుకు కొని అదే టైం కి ఎక్కువకు ఫ్యామిలీ స్టార్ కొని ఒకేసారి వెయ్యడం అనేది ఫీజిబుల్ కాదు. కాబట్టి నెట్ ఫ్లిక్స్ ఫ్యామిలీ స్టార్ మీద ఇంటరెస్ట్ లేదు.

అమెజాన్ ప్రైమ్ వెంకటేష్ సైంధవ్ కొంది. అదే నాలుగు వారాలకు ఫ్యామిలీ స్టార్ కొని వెయ్యడం… అమెజాన్ కి కూడా కుదరదు.

దానితో సినిమా ఇప్పటివరకు అమ్ముడుపోలేదు.అని సమాచారం. 

విజయ్ లాంటి హీరో, దిల్ రాజు లాంటి పెద్ద నిర్మాత ఉన్న సినిమా డిజిటల్ రైట్స్ కి ఇబ్బంది రావడం షాకింగ్.

అయితే డిజిటల్ అమ్ముడు పోకపోయినా సంక్రాంతి బరిలో నుండి తప్పుకునే ప్రశ్న లేదంటున్నారు దిల్ రాజు.