పవన్‌ కళ్యాణ్‌ ఉత్తరాంద్రలో కాదు కదా విశాఖలో కూడా ఎటువంటి సభలు సమావేశాలు నిర్వహించడానికి వీలులేదని, తక్షణం హైదరాబాద్‌ తిరిగివెళ్లిపోవాలని, లేకుంటే హోటల్‌ గదిలో నుంచి బయటకు పంపే ప్రసక్తే లేదని ఒత్తిడి చేస్తుండటంతో, పవన్‌ కళ్యాణ్‌ ఉత్తరాంద్ర పర్యటన విరమించుకొని హైదరాబాద్‌కు బదులు విజయవాడ బయలుదేరబోతున్నట్లు తాజా సమాచారం. ఈరోజు సాయంత్రం లేదా రేపు ఉదయం గవర్నర్‌ బిశ్వభూషన్ హరిచందన్‌ను కలిసేందుకు పవన్‌ కళ్యాణ్‌ అపాయింట్‌మెంట్ కోరినట్లు తెలుస్తోంది.
పవన్‌ కళ్యాణ్‌ హోటల్‌ నుంచి విమానాశ్రయానికి బయలుదేరితే దారిలో ఎక్కడ మళ్ళీ జనసైనికులు హడావుడి చేయకుండా ఉండేందుకు దారిపొడవునా కూడా వందలాదిమంది పోలీసులను మోహరిస్తున్నారు. ఒక ప్రతిపక్ష నాయకుడు ఉత్తరాంద్ర జిల్లా పర్యటనకు వస్తే శాంతిభద్రతలపేరుతో ఆయనని హోటల్‌లో గదిలో నిర్బంధించి వెనక్కు తిప్పి పంపుతుండటంపై జనసేన కార్యకర్తలతో పాటు టిడిపి, బిజెపిలు కూడా తీవ్రంగా ఖండించాయి. రాష్ట్రంలో ప్రతిపక్షాలను అణచివేస్తూ సిఎం జగన్మోహన్ రెడ్డి నిరంకుశపాలన సాగిస్తున్నారని టిడిపి, బిజెపిలు విమర్శిస్తున్నాయి.
అయితే పవన్‌ కళ్యాణ్‌ని, జనసేన కార్యకర్తలను ఈవిదంగా అడ్డుకోవడం ద్వారా వైసీపీ ప్రభుత్వం, పోలీసులే ఆయనకు, జనసేన పార్టీకి రెండు తెలుగు రాష్ట్రాలలో ఉచిత ప్రచారం కల్పిస్తున్నామనే సంగతి మరిచినట్లున్నారు. తెలంగాణలో ప్రజలు కూడా విశాఖలో జరుగుతున్న ఈ హడావుడిని ఆసక్తిగా టీవీలలో గమనిస్తున్నారు.
ఇటీవల పుంగనూరులో నామినేషన్స్‌ ప్రక్రియలో వైసీపీ ఎమ్మెల్సీ మిథున్ రెడ్డి ఎంత హడావుడి చేశారో, ఎంత విధ్వంసం జరిగిందో అందరూ…
Vijay Deverakonda and Rashmika Mandanna are currently promoting their latest film Ranabaali. The popular pair…
