పందెంలో ఓడింది… ఫ్యాన్ తో డేటింగ్ కు రెడీ అయ్యింది..!

‘సూపర్ బౌల్’ ఆటపై మక్కువతో అభిమానితో పందెం కాసిన టెన్నిస్ క్రీడాకారిణి ఓటమిపాలై, చివరికి సదరు అభిమానితో డేటింగ్ కు వెళ్లాల్సి వచ్చిన ఘటన అమెరికాలో చోటుచేసుకుంది. కెనడాకు చెందిన టెన్నిస్ స్టార్ ఎగోనీ బౌచర్డ్ డబ్ల్యూటీఏ ర్యాంకింగ్స్‌ లో 45వ స్థానంలో కొనసాగుతోంది. ఆమెకు సూపర్ బౌల్ ఆట అంటే బాగా ఇష్టం. దీంతో గత ఆదివారం అట్లాంటా ఫాల్కన్స్, న్యూ ఇంగ్లండ్ పాట్రియోట్స్ జట్ల మధ్య జరిగిన మ్యాచ్‌ ను వీక్షిస్తూ, తొలి రౌండ్ ముగిసిన అనంతరం అట్లాంటా విజయం సాధిస్తుందని ఆమె ట్వీట్ చేసింది. ఎందుకంటే అప్పటికి అట్లాంటా జట్టు 28-3 స్కోరుతో ఆధిక్యంలో ఉంది.

దీంతో ఆన్ లైన్ లో ఉన్న ఓ అభిమాని, అయితే ఓ పని చేద్దాం సరదాగా పందెం కాద్దాం… నువ్వు ఓడిపోతే నాతో డేటింగ్ కు వస్తావా? అని సవాల్ విసిరాడు. దీంతో ఆమె కూడా సరదాగా సరే అనేసింది. అభిమాని టంగ్ పవరో లేక ఇంకేదైనా శక్తి నడిపించిందో కానీ, అయితే సెకండ్ హాఫ్ ‌లో చెలరేగి ఆడిన న్యూ ఇంగ్లండ్ పాట్రియోట్స్ జట్టు ప్రత్యర్థికి ఒక్క పాయింట్ కూడా ఇవ్వకుండా 34-28 తేడాతో అట్లాంటాపై విజయం సాధించింది. దీంతో ఎగోనీ బౌచర్డ్ షాక్ తింది. బెట్టింగ్ లో ఓటమి పాలైన తాను, చెప్పిన మాటకు కట్టుబడి తన అభిమానితో డేటింగ్ కు వెళ్తానని తెలపడంతో, ఈ సారి షాక్ కు గురవ్వడం అభిమానుల వంతయ్యింది.