టాలీవుడ్లోని ఏ నటుడైనా తన బాలీవుడ్ అరంగేట్రం చేయడానికి అర్హుడు అనుకుంటే, సూపర్ స్టార్ మహేష్ బాబు ముందు ఉంటారు. ఇప్పుడు అతనికి ఒక బాలీవుడ్ అవకాశం తలుపు తట్టిందని నివేదికలు వస్తున్నాయి. రామాయణ 3 డి నిర్మాత మధు మంతెన మహేష్ బాబును కలుసుకుని ఆ సినిమా ఇచ్చారని అంటున్నారు.
ఈ పెద్ద బడ్జెట్ పౌరాణిక చిత్రంలో బాలీవుడ్ దివా దీపికా పదుకొనే హీరోయిన్ గా నటిస్తుందని కథనాలు ఇప్పటికే ఉన్నాయి. ఇందులో హీరో పాత్ర కోసం హృతిక్ రోషన్ను మొదట సంప్రదించి, మేకర్స్ ఇప్పుడు ఆ బాలీవుడ్ సూపర్స్టార్ స్థానంలో మహేష్ బాబును పరిశీలిస్తున్నారని సమాచారం. దానికి మహేష్ ఏమంటాడో చూడాలి
దంగల్ ఫేమ్ నితేష్ తివారీ, మామ్ ఫేమ్ రవి ఉదయవర్ ఈ సినిమా కు సంయుక్తంగా దర్శకత్వం వహిస్తున్నారు. ఈ చిత్రం త్రిభాషా ప్రాజెక్ట్ – తెలుగు, హిందీ మరియు తమిళం లో నిర్మించబోతున్నారు. అలాగే 3డిలో కూడా చిత్రీకరించబడుతుంది. 3డిలో రామాయణం చేయడం ఇండియన్ సినిమా లో ఇదే మొదటిసారి.
అయితే రామాయణం అంటే చాలా ఏళ్ళు పట్టే అవకాశం ఉంది. మహేష్ బాబు రాజమౌళి తదుపరి చిత్రం లో నటించబోతున్నాడు… ఈ రెండు సినిమాలు చెయ్యడం అంటే కుదరదు. ఇటువంటి తరుణంలో మహేష్ బాబు రాజమౌళి సినిమాకే ఓటు వేసే అవకాశం ఉంది.
